ءۇندىستاننىڭ استاناسى دەليدە كەشە قاپىرىق پايدا بولىپ, اۋا تەمپەراتۋراسى 47,6 گرادۋس ىستىقتى كورسەتتى. مامانداردىڭ ايتۋىنا قاراعاندا بۇل جاعداي ءبىر اپتاعا جالعاسۋى مۇمكىن.
«جاۋ جاعادان العاندا, ءبورى ەتەكتەن» دەگەندەي كوروناۆيرۋستىڭ زاردابىنان قۇتىلا الماي وتىرعان ەل تۇرعىندارىن اپتاپ ىستىق كۇيزەلتەتىن ءتۇرى بار. ازىرگە ءولىم-ءجىتىم تىركەلگەن جوق.
ءتىپتى راجاستان پروۆانتسياسىنىڭ چۋرۋ قالاسىندا ىستىق مولشەرى 50 گرادۋسقا جەتكەن. جەرگىلىكتى بيلىك تۇرعىنداردى ۇيدەن شىقپاۋعا شاقىرۋدا.
دۇنيەجۇزىلىك اۋا رايىن باقىلاۋ جانە اقپار تاراتۋعا مىندەتتى El Dorado سايتىنىڭ مالىمەتىنە قاراعاندا, اۋا رايىنىڭ بۇلاي قۇبىلۋى وتكەن اپتادا ءۇندىستاننىڭ سولتۇستىگىن جانە بانگلادەشتى كوكتەي وتكەن «امفان» تسيكلونىنىڭ اسەرى كورىنەدى.