مەملەكەتتىك قىزمەت – ابىرويلى مىندەت. ال قوعامعا بار جىگەرىڭمەن العاۋسىز قىزمەت ەتۋ ءۇشىن جۇمىس ءتارتىبى بارىنشا وڭتايلى بولعانى ابزال. مەملەكەت باسشىسى قاسىم-جومارت توقاەۆ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا بۇل ماسەلەنىڭ اسا نازار اۋدارا قارايتىن ماڭىزدى ءجايت ەكەنىن شەگەلەپ ايتقان بولاتىن.
مەملەكەتتىك قىزمەتكەرلەرگە جۇكتەلگەن ۇستەمە جۇمىس, سالانى العا جىلجىتپايتىنى, كەرىسىنشە ازاماتتاردىڭ ساپالى ەڭبەك ەتۋىنە كەرى اسەرىن تيگىزەتىن بىردەن-ءبىر فاكتور ەكەنى از ايتىلىپ جۇرگەن جوق. باستاپقىدا بۇدان ساباق العاندار دا, تالاپقا باعىنباعاندار دا كەزدەسىپ جاتتى. قىزمەتكەرلەرىن قالىڭ قاعازعا كومىپ, ەڭبەك ۋاقىتىنان تىس كەزدەردە جۇمىسقا جەگۋ – ادام قۇقىعىن تاپتاۋ. تارتىپكە پىسقىرماعان مەكەمەلەردىڭ باسشىلارى اكىمشىلىك جاۋاپقا تارتىلدى. ارنايى جۇرگىزىلگەن تەكسەرىس جۇمىستارى بۇل باعىتتاعى وزەكتى ماسەلەلەردىڭ دۇرىس شەشىم تابۋىنا وڭ اسەر ەتتى دەپ ايتا الامىز.
مەملەكەتتىك قىزمەتكەرلەر اتقاراتىن ۇستەمە جۇمىستاردى جويۋ, يكەمدى جۇمىس كەستەسىن ەنگىزۋ, كومپيۋتەر سەكىلدى جۇمىس قۇرىلعىلارىن اۆتوماتتى تۇردە ءوشىرۋ باعدارلاماسىن ەنگىزۋ سالاعا تىڭ سەرپىن بەرگەنى انىق.
زەرتتەۋ ناتيجەسىنە ساي ستاتيستيكالىق مالىمەتتەرگە جۇگىنسەك, قۇزىرلى ورىندار مەن مينيسترلىكتەردە, اكىمدىكتەردە ۇستەمە جۇمىس سانى ەداۋىر ازايعانىن كورەمىز. جوعارىدا ايتقانىمىزداي, بۇل مەملەكەتتىك ورگاندار قىزمەتكەرلەرى ءۇشىن اسا ماڭىزدى. سوندىقتان بۇل باعىتتاعى ءىس-قيمىلداردى جۇيەلى جالعاستىرۋعا ايرىقشا ءمان بەرىلەدى.
نۇرلان ءالىم ۇلى,
مەملەكەتتىك قىزمەت سالاسىنداعى باقىلاۋ باسقارماسىنىڭ باس مامانى