بۇل كۇندەرى شاحماتتان ءوتىپ جاتقان Lindores Abbey Rapid Challenge ونلاين-ءتۋرنيرىنىڭ جارتىلاي فينالىنا شىققان ويىنشىلار انىقتالۋدا.
ءۇش تاۋلىككە سوزىلعان شيرەك فينالدىق سايىستاردىڭ ناتيجەسى بويىنشا الەم چەمپيونى, نورۆەگيالىق ماگنۋس كارلسەن امەريكالىق ۋەسلي سوعا سان سوقتىردى. ەسەپ – 2,5:0,5. ەندى ول اقش-تىڭ تاعى ءبىر وكىلى حيكارا ناكامۋرامەن كەزدەسەدى. ال ناكامۋرا ءوز كەزەگىندە ارمەنيالىق لەۆون اروياننان ايلاسىن اسىرعان ەدى – 3:1.
ال رەسەيدىڭ قوس مىقتىسى – سەرگەي كارياكين مەن دانيل دۋبوۆ جانە قىتايدىڭ قوس قىرانى – دين ليجەن مەن يۋي ياني اراسىنداعى باسەكەلەردە ازىرگە تەڭ ەسەپ ساقتالۋدا. وسى شاحماتىشلار اراسىنان كىمنىڭ اسىعى الشىسىنان تۇسەتىنى بۇگىن بەلگىلى بولادى.