مەملەكەت باسشىسى قاسىم-جومارت توقاەۆ ۇلتتىق قوعامدىق سەنىم كەڭەسىنىڭ ونلاين وتىرىسىندا كوروناۆيرۋس ىندەتىنىڭ جۇمىس تارتىبىنە ەلەۋلى وزگەرىس ەنگىزگەنىن ايتتى.
«قۇرمەتتى ۇلتتىق كەڭەس مۇشەلەرى, ءبىز بۇگىن ەرەكشە جاعدايدا كەزدەسىپ وتىرمىز. كوروناۆيرۋس ىندەتى جۇمىس تارتىبىمىزگە ەلەۋلى وزگەرىس ەنگىزدى. قازىرگى تاڭدا ەلىمىز پاندەميانىڭ شارىقتاۋ شەگىنەن ءوتتى. بىراق ىندەتپەن كۇرەس ءالى اياقتالعان جوق. بۇل ىندەت وتە قاۋىپتى باتپانداپ كىرەدى, مىسقالداپ شىعادى. كوروناۆيرۋس قازىرگى الەمنىڭ قۇندىلىقتارىن ايتارلىقتاي وزگەرتتى. دەنساۋلىق ساقتاۋ جۇيەسىنىڭ ءوزىن-ءوزى قامتۋدىڭ, ىنتىماقتاسۋ مەن جاۋاپكەرشىلىكتىڭ ماڭىزى ارتا ءتۇستى. سوعان سايكەس مەملەكەت قىزمەتىندە جانە قوعامدىق ءومىردىڭ بارلىق سالاسىندا تۇبەگەيلى وزگەرىستەر بولماق. پاندەميا ءبىزدىڭ ەلىمىز ءۇشىن دە ۇلكەن سىناق بولىپ وتىر. قازاقستان حالقى ەشقاشان قيىندىققا مويىعان ەمەس. بۇل جولى دا بىرلىگىمىزدىڭ بەكەم ەكەنىن كورسەتتىك. ءبىز ىرىس پەن ىنتىماقتىڭ ارقاسىندا كەز-كەلگەن سىناقتى ابىرويمەن ەڭسەرەمىز دەپ سەنەمىن», - دەدى مەملەكەت باسشىسى.
ايتا كەتەيىك, مەملەكەت باسشىسىنىڭ توراعالىعىمەن ۇلتتىق قوعامدىق سەنىم كەڭەسىنىڭ ءۇشىنشى وتىرىسى ءوتىپ جاتىر.