ورال قالاسىنداعى دوستىق ءۇيى عيماراتىنىڭ جانىنان تۇركىستان وبلىسىنىڭ ماقتاارال اۋدانىندا سۋ تاسقىنىنان زارداپ شەككەن وتانداستارىمىزعا جالپى سالماعى 12 توننا گۋمانيتارلىق كومەك اتتانىپ كەتتى.
قايىرىمدىلىق جۇكتىڭ ىشىندە باتىس قازاقستان ەتنومادەني بىرلەستىكتەرىنىڭ وكىلدەرى, كاسىپكەرلەر مەن باتىس قازاقستان وبلىستىق قازاقستان حالىق اسسامبلەياسى ەرىكتىلەرى جيناعان ازىق-ت ۇلىك, كۇندەلىكتى قاجەت بۇيىمدار, قۇرىلىس ماتەريالدارى, كيىم-كەشەك جانە باسقا تاۋارلار بار.
بۇل كومەكتى ۇيىمداستىرىپ, قاراجات پەن كەرەك زاتتاردى جيناۋعا اق جايىق وڭىرىندە تاتۋ-ءتاتتى تۇرىپ جاتقان تاتار, ءازىربايجان, ۇيعىر جانە ارميان ەتنومادەني ورتالىقتارى, «ۆايناح» شەشەن-ينگۋش ەتنومادەني ورتالىعى, «BIRLIK» ەرىكتىلەر توبى, «دوستىق» قازاق-ۆايناح كلۋبى, «Patriot» سپورت كلۋبى, «كادىرگاليەۆ ت.ا.» جەكە كاسىپكەرلىگى, «UralskRunners» جەلاياقتار كلۋبى ەرەكشە ۇلەس قوستى.
گۋمانيتارلىق كومەكتى ارتقان كوپتوننالىق جۇك كولىگىن قازاقستان حالقى اسسامبلەياسى ەتنومادەني بىرلەستىكتەرىنىڭ جەتەكشىلەرى ءسات-ساپار تىلەپ, شىعارىپ سالدى.
ايتا كەتەيىك, باتىسقازاقستاندىقتار ماقتارالداعى سۋ تاسقىنىنان زارداپ شەككەن حالىققا بۇدان بۇرىن دا بىرنەشە مارتە جاردەم جىبەرگەن بولاتىن.
باتىس قازاقستان