جىل سايىن شومىلۋ ماۋسىمى كەزىندە قانشاما ادام سۋعا كەتىپ, قايعىلى جاعداي ورىن الىپ جاتادى. وسىنداي وقيعالاردىڭ الدىن الۋ ماقساتىندا, قاراتاۋ اۋدانى اكىمدىگى مەن اۋداندىق توتەنشە جاعداي ءبولىمى جانە جەرگىلىكتى پوليتسيا وكىلدەرى بىرلەسىپ شومىلۋ ماۋسىمىنداعى قاۋىپسىزدىكتى ساقتاۋ شارالارى بويىنشا تۇسىندىرمە جۇمىستارىن جۇرگىزدى.
ولار قايناربۇلاق تۇرعىن الابىنداعى كول ماڭىندا ورنالاسقان تۇرعىن ۇيلەرگە ارنايى تۇسىندىرمە جۇمىستارىن جۇرگىزىپ, ۇگىت-ناسيحات قاعازدارىن تاراتتى.
ايتا كەتەيىك, تەك رۇقسات ەتىلگەن ايماقتارعا عانا شومىلۋ كەرەك. اسىرەسە, جاس بالالار اتا-انا قاداعالاۋىنسىز اعىن سۋعا شومىلۋعا بولمايدى. ماماندار ماۋسىم كەزىندە اتا-انالاردى ساق بولۋعا شاقىرادى.