ماڭعىستاۋ وبلىسى ماڭعىستاۋ اۋدانىنىڭ جارمىش اۋىلىنىڭ تۇرعىنى وبلىستىق اۋرۋحانانىڭ جەدەل جاردەم بولىمىنە مەديتسينالىق كومەككە جۇگىنگەن, دەپ حابارلادى ماڭعىستاۋ وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتى.
اۋرۋحاناعا تۇسكەندە سول جاق جامباس بۋىنى اۋىراتىنىن ايتقان اقساقال, ناتيجەسىندە توسەكتە جاتۋعا ءماجبۇر, ويتكەنى ەركىن تۇرىپ ءجۇرۋى قيىنداي تۇسكەنىن العا تارتتى. بۇل تۋرالى ماڭعىستاۋ وبلىستىق اۋرۋحاناسىنىڭ تراۆماتولوگيا بولىمشەسىنىڭ مەڭگەرۋشىسى ەسەت شاحاتباەۆ ايتىپ بەردى. ونىڭ ايتۋىنشا, ناۋقاستى حيرۋرگياعا قابىلداۋ تۋرالى شەشىم ۇزاق ويلانباستان قابىلداندى.
وتا ءساتتى ءوتتى. ناۋقاستىڭ قازىرگى جاعدايى جامان ەمەس, ءوزىن جاقسى سەزىنەدى جانە قايتادان بۇرىنعى قالپىنا كەلۋ بويىنشا ەمدەلۋ پروتسەدۋراسىن جالعاستىرىپ جاتىر. جاقىن ارادا ناۋقاس ۇيىنە جىبەرىلەدى. جاعدايى سالىستىرمالى تۇردە قاناعاتتانارلىق.
-ناۋقاس ۇيدە ءجۇرىپ جاراقات العان, ياعني قۇلاعان. الدىمەن ەمشىگە بارىپ قارالعان, بىراق بۇل جەردە مەديتسينا ارالاسپاسا بولمايتىن بولدى. الدىمەن شەتپە اۋىلىنداعى ورتالىق اۋداندىق اۋرۋحاناسىنا بارعان, سوندان سوڭ وبلىستىق اۋرۋحاناعا جىبەرىلگەن. ەڭ باستىسى ءبىزدىڭ دارىگەرلەر بارىن سالدى, ءتيىستى ەم-دوم شارالارىن قولعا العان بولاتىن, ناتيجەسى كوز قۋانتارلىق. ناۋقاستىڭ جاسى جۇزگە تاياپ قالدى, سوعان قاراماستان ول ءوزىن جاقسى سەزىنەدى. مۇنداي وتانى كەيدە جاستاردىڭ ءوزى اۋىرسىنىپ جاتادى, دەيدى ول.
بۇعان دەيىن حيرۋرگتەر وسىنداي وتانىڭ جۇزگە جۋىعىن جاساعان. ال حيرۋرگيالىق وتانىڭ بۇل ءتۇرى كەپىلدەندىرىلگەن تەگىن مەديتسينالىق كومەكتىڭ كولەمى اياسىندا جاسالادى.
ماڭعىستاۋ وبلىسى