تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ
ء«تۇرلى كومپانيالاردىڭ تاعى 7 IT-ءونىمى سەنىمدى باعدارلامالىق قامتىلىمنىڭ تىزىلىمىنە ەنگىزىلدى. بۇل, شىن مانىندە, جاعىمدى جاڭالىق. مەملەكەت جەكە كومپانيالاردىڭ دەربەس دەرەكتەردى قورعاۋىن, اقپاراتتىق قاۋىپسىزدىك نورمالارىن ساقتاۋىن قالاي قاداعالاۋدا؟ - دەپ مەنەن ۇنەمى سۇرايسىزدار, بۇل سۇراقتى وسى جەردە, ياعني facebook الەۋمەتتىك جەلىسىندە دە قويدىڭىزدار. جوعارىدا اتالعان ءتىزىلىم قاۋىپسىزدىك مەحانيزمدەرىنىڭ ءبىرى.
تىزىلىمگە ەنۋ ءۇشىن كومپانيالار, وزگە دە تالاپتارمەن قاتار, ءوز ءونىمىنىڭ اقپاراتتىق قاۋىپسىزدىكتىڭ بەكىتىلگەن مەملەكەتتىك تالاپتارىنا سايكەس كەلەتىنىن دالەلدەۋى جانە راستاۋى ءتيىس. ويتكەنى, وسى سوفتتى ساتىپ الاتىن مەملەكەتتىك ورگان نەمەسە جەكە كومپانيا بولسىن, كەز كەلگەن پايدالانۋشى بۇل باعدارلامالاردىڭ ساپاسى مەن قاۋىپسىزدىگىنە سەنىمدى بولا الادى. وسى جولى «T&T Security» كومپانياسىنىڭ – «tLab» جۇيەسى, «ArtaSoftware» جشس-ءنىڭ Arta Synergy پلاتفورماسى, «Kazdream Technologies» جشس-ءنىڭ كيبەرستراج ءونىمى, «Platonus» كومپانياسىنىڭ «ەسۋۆو» جانە «Platonus College» ونىمدەرى, «گەوكوم استانا» جشس-ءنىڭ گەوپورتالى جانە «Documentolog» كومپانياسىنىڭ اتتاس جۇيەسى جوعارى ساپا ستاندارتتارىنا سايكەستىگىن راستادى.
وسىلايشا, اتالعان تىزىلىمگە ەنگەن كومپانيالاردىڭ سانى 16-عا جەتتى. IT-قوعامداستىقتى ءوز ونىمدەرىن وسى تىزىلىمگە ەنگىزۋدە بەلسەندىلىك تانىتىپ, مەملەكەتتەن «سەنىمدى» دەگەن مارتەبەگە يە بولۋعا شاقىرامىن. مەملەكەت تاراپىنان بەرىلگەن مۇنداي كەپىلدىك كومپانيانىڭ جانە ونىڭ ونىمدەرىنىڭ نارىقتاعى قۇنىنا وڭ اسەر ەتەتىنى ءسوزسىز», - دەپ جازدى مينيستر اسقار جۇماعاليەۆ.