تاعى ءبىر بۋىن ءۇشىن مەكتەپپەن قوشتاسار ءسات جاقىندادى. بۇگىن وڭىردەگى 196 مەكتەپتىڭ 129 500 وقۋشىسى ءۇشىن وقۋ جىلىنىڭ اياقتالعانىن بىلدىرەتىن سوڭعى قوڭىراۋ سوعىلدى. ارينە, بۇل شارا ونلاين رەجيمدە ءوتتى.
وڭىرلىك كوممۋنيكاتسيالار قىزمەتىنىڭ حابارلاۋىنشا, بيىل 5 286 تۇلەك مەكتەپتى ءبىتىرىپ وتىر. ولاردىڭ اراسىنان 11 جىل بويىنا ۇزدىك وقىپ, ءتۇرلى ءبىلىم بايگەسىندە جۇلدىزى جارقىراعان 229 وقۋشى «التىن بەلگىنى» يەلەنەدى. ال 183 تۇلەكتىڭ ءبىلىمى «ۇزدىك اتتەستاتپەن» باعالانباق.
– مەكتەپ تۇلەكتەرىنە اتتەستات تاپسىرۋ شاراسى 3-4 ماۋسىمدا ءبىلىم ۇياسىنىڭ اشىق الاڭىندا وتەدى. وعان تەك تۇلەكتەر عانا قاتىسادى, -دەيدى وبلىستىق ءبىلىم باسقارماسىنىڭ ماماندارى.