بۇگىن پرەمەر-ءمينيستردىڭ ورىنباسارى ە. توعجانوۆتىڭ توراعالىعىمەن وتكەن كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ كەزەكتى وتىرىسىندا قازىرگى ەپيدەميولوگيالىق احۋال جانە حالىقتى جۇمىسپەن قامتۋ ماقساتىندا قىزمەت سالالارىن قالپىنا كەلتىرۋ ماسەلەلەرى قارالىپ, ناقتى شەشىمدەر قابىلداندى.
ۆيرۋستىڭ مينيمالدىق ءوسىم قارقىنى اپتاسىنا 2%-عا جەتپەگەن وڭىرلەردە:ساۋدا-ويىن-ساۋىق ورتالىقتارىنىڭ (ويىن-ساۋىق الاڭدارى, فۋدكورتتار, كينوتەاترلار جۇمىس ىستەمەيدى);قوعامدىق تاماقتانۋ نىساندارىنىڭ (50 ادامنان استام ورىنمەن); وندىرىستىك تاۋارلار دۇكەندەرىنىڭ (2 مىڭ م2 استام);فيتنەس-ورتالىقتارى, سپورت كەشەندەرىنىڭ;SPA ورتالىقتارى, مونشالار مەن ساۋنالاردىڭ;بالالارعا ارنالعان ساۋىقتىرۋ لاگەرلەرىنىڭ;قوعامدىق كولىكتىڭ (شەكتەۋسىز) قىزمەتىن ىسكە قوسۋعا رۇقسات ەتىلەدى.
2020 جىلعى 25 مامىردان باستاپ اتىراۋ قالاسىمەن ىشكى اۋە قاتىناسى ىسكە قوسىلادى. 2020 جىلعى 1 ماۋسىمنان:كەزەڭ-كەزەڭمەن ىشكى تەمىر جول قاتىناسىن ىسكە قوسۋعا بايلانىستى تەمىر جول ۆوكزالدارىنىڭ قىزمەتى سانيتارلىق نورمالارعا سايكەس ۇيىمداستىرىلادى;قاتاڭ سانيتارلىق نورمالاردى ساقتاي وتىرىپ, قازاقستان كاسىپوداقتار فەدەراتسياسىنىڭ قوناق ۇيلەرى مەن ساۋىقتىرۋ ساناتوريلەرى جانە وڭىرلەردەگى كۋرورتتىق, ەمدەۋ-ساۋىقتىرۋ نىساندارى قىزمەتىن قايتا باستايدى; قازاقستان ازاماتتارىن شەت ەلدەردەن قايتارۋ جۇمىسى جالعاستىرىلادى.كەڭەس قورىتىندىسى بويىنشا پرەمەر-ءمينيستردىڭ ورىنباسارى ە. توعجانوۆ بىرقاتار ناقتى تاپسىرمالار بەردى.