وسىدان ءبىراز ۋاقىت بۇرىن اقش-تىڭ داڭقتى كاسىپقوي بوكسشىسى مايك تايسون قازىر دە بابىندا ەكەنىن العا تارتا وتىرىپ, قانداي مىقتىمەن بولسا دا, ەرەجەسىز جەكپە-جەككە دە شىعۋ دايار ەكەنىن جاريا ەتكەن بولاتىن.
جوعارىداعىداي جاڭالىقتى ەستىگەن بەتتە مايك تايسونعا ءتۇرلى ۇسىنىستار تۇسە باستادى. ماسەلەن, Bare Knuckle Fighting Championship ۇيىمى ايگىلى بوكسشىعا 20 ميلليون اقش دوللارىن ۇسىنىپ وتىر. ول ءۇشىن كاسىپقوي بوكستىڭ كوكجالى ەرەجەسىز جەكپە-جەكتىڭ حاس شەبەرى ۆاندەرلەي سيلۆامەن كۇش سىناسۋعا ءتيىس.
44 جاستاعى برازيليانىڭ كۋريتيبا قالاسىنىڭ تۋماسى ۆاندەرلەي سيلۆا سپورتتىق كارەراسىن مۋاي-تايدان باستاعان. ودان كەيىن ەرەجەسىز جەكپە-جەكپەن شۇعىلدانىپ, كوپتەگەن بەلدى نۇسقالار بويىنشا چەمپيوندىق اتاققا قول جەتكىزدى. ءار جىلدارى دەن حەندەرسون, كادزۋسي سۋكۋبارا, حيدەحيكو ەسيدا, مايكل بيسپينگ, كۋنگ لە جانە تاعى باسقا مىقتىلاردى ۇتتى. بارلىعى 50 كەزدەسۋ وتكىزگەن سيلۆا 35 رەت جەڭىسكە جەتتى.