قازاقستان مۇسىلماندارى ءدىني باسقارماسىنىڭ توراعاسى ەرجان قاجى مالعاجى ۇلى گىر تاسىن كوتەرۋدەن الەم جانە ەۋروپانىڭ 18, ەۋرازيا جانە قازاقستاننىڭ 5 دۇركىن چەمپيونى, الماتى وبلىسى, كوكسۋ اۋدانى, جامبىل اۋىلىنىڭ يمامى ءامىرباي رىسقۇلوۆتى قابىلدادى.
قازاقستان مۇسىلماندارى ءدىني باسقارماسىنىڭ توراعاسى ەرجان قاجى مالعاجى ۇلى گىر تاسىن كوتەرۋدەن الەم جانە ەۋروپانىڭ 18, ەۋرازيا جانە قازاقستاننىڭ 5 دۇركىن چەمپيونى, الماتى وبلىسى, كوكسۋ اۋدانى, جامبىل اۋىلىنىڭ يمامى ءامىرباي رىسقۇلوۆتى قابىلدادى.
11-17 قىركۇيەك ارالىعىندا ۆەنگريادا ەگدە جاستار اراسىندا ەۋرازيا, ازيا جانە ۆەنگريانىڭ اشىق بىرىنشىلىگى حالىقارالىق سپورت جارىسى وتكەن بولاتىن. گىر تاسىن كوتەرۋ بويىنشا جەرلەسىمىز ءامىرباي اقساقال التىننان القا تاعىپ قايتتى. قاريانىڭ جاسى 80-گە تاياپ قالسا دا ءالى تىڭ. ءوزىن سەرگەك ۇستايدى. سونىمەن, چەمپيون يمامىمىز سەرپە كوتەرۋدەن 10 كيلو گىر تاسىن 10 مينۋت ىشىندە 231 رەت باعىندىرعان. وسى سالماقتى قۇرايتىن تاستى جۇلقا كوتەرۋ بويىنشا 3 مينۋتتا 84 رەت, ال سەرپە كوتەرۋدىڭ ۇزارتىلعان ءتۇرى بويىنشا 64 رەت باعىندىرىپتى.
باس ءمۇفتي ءامىرباي ءسىلامجان ۇلىن جەڭىسىمەن قۇتتىقتاپ, ءىلتيپات كورسەتىپ, ىزگى تىلەگىن جەتكىزدى. «يسلام ءدىنى ادامداردى سپورتپەن شۇعىلدانىپ, سالاماتتى ءومىر سالتىن قالىپتاستىرۋعا ۇندەيدى. قارتايدىم دەمەي, سپورتتى جانىڭىزعا سەرىك ەتىپ, ءوزىڭىزدى سەرگەك ۇستاۋىڭىز ەلىمىزدىڭ جاستارىنا ۇلكەن ۇلگى بولادى دەپ سەنەمىن. ءاردايىم وسى بيىكتەن كورىنە بەرىڭىز. مەملەكەتىمىزدىڭ مەرەيىن ۇستەم ەتىپ, جارىستاردا ەلىمىزدىڭ تۋىن جەلبىرەتىپ جۇرە بەرىڭىز. اللا تاعالا دەنىڭىزگە ساۋلىق, كۇش-قۋات بەرسىن», – دەدى ەرجان قاجى مالعاجى ۇلى.
ءامىرباي اتا الداعى ايدا ارحانگەلسك قالاسىندا وتەتىن ءدۇبىرلى دوداعا دايىندالۋدا. ءبىز دە ءوز تاراپىمىزدان حالىقارالىق دارەجەدەگى سپورت شەبەرىنە ساتتىلىك تىلەيمىز.
اعابەك قونارباي ۇلى,
قمدب ءباسپاسوز حاتشىسى.