موڭعوليالىق اقپارات كوزى «Montsame.mn» اگەنتتىگى تاراتقان مالىمەتكە جۇگىنسەك, كەشە اتالمىش ەلدىڭ ۇكىمەت مۇشەلەرى كەزەكتى جيىن اشىپ, كوروناۆيرۋس ىندەتىمەن كۇرەسىپ جاتقان سولتۇستىك كورشىسى رەسەيگە ءبىر ميلليون اقش دوللارىن قۇرايتىن ەت جانە ەت ونىمدەرىن تەگىن كومەك رەتىندە بەرۋ جايلى شەشىم قابىلداعان ەكەن.
«كورشىڭ اش بولسا, سەنىڭ توقتىعىڭنان نە پايدا» دەگەندەي قازىرگى تاڭدا رەسەي فەدەراتسياسىندا ىندەت جۇقتىرعاندار سانى 300 مىڭنان اسىپ, 3 مىڭ ادام كوز جۇمعانى ايتىلۋدا.
بۇدان بۇرىن دا موڭعوليا پرەزيدەنتى ح.باتتۋلعا وڭتۇستىك كورشىسى قىتاي ەلىنە كومەك رەتىندە تىرىدەي 30 مىڭ باس قوي بەرگەن بولاتىن.
«رەسەي مەن موڭعوليا قۇداي قوسقان ەجەلدەن كورشى ەل. دوستاستىق تاريحى دا تەرەڭدە جاتىر. سوندىقتان ىندەت وشاعىنا اينالعان كورشىمىزگە كومەك بەرۋ – ءبىزدىڭ پارىز. وسىلاي جاقسىلىق تاراتساق دەرتتىڭ بەتى تەز قايتۋى مۇمكىن» دەيدى موڭعوليا سىرتقى ىستەر ءمينيسترى د.تسوگتبااتار مىرزا.