تۇركىستان وبلىسىنداعى توپان سۋدىڭ سالدارىن جويۋعا اتتانعان قاراعاندىلىق قۇتقارۋشىلار ماقتارال اۋدانىنا قاراستى فيردوۋسي اۋىلىنداعى جۇمىستاردى اياقتاپ, كورشى جەڭىس اۋىلىنا كومەككە كەلدى. بۇل تۋرالى وبلىستىق تجد ءباسپاسوز قىزمەتى حابارلادى.
قۇتقارۋشى توپ ۋاقىتپەن ساناسپاي جۇمىس ىستەپ, سۋ باسقان اۋلالار مەن باقشا ۋچاسكەلەرىن قۇرعاتۋمەن اينالىسۋدا.
جالپى, ماقتاارال اۋدانىندا قاراعاندىلىق قۇتقارۋشىلار 420 مىڭ تەكشە مەتردەن استام سۋدى سورىپ الدى. ولار, سونداي-اق سۋ بوگەتتەرىن نىعايتىپ, ارىقتاردىڭ ارناسىن كەڭەيتىپ جانە تەرەڭدەتىپ, بۇرىلعان سۋعا ارنالعان ورىنداردى دايىنداۋعا كىرىستى.
قاراعاندى وبلىسىنىڭ قۇتقارۋشىلارى توپان سۋدان زارداپ شەككەن ايماقتا 7 مامىردان باستاپ جۇمىس ىستەپ جاتىر.
قاراعاندى وبلىسى