نازارباەۆ ورتالىعىنىڭ جانىنان شىلدە ايىندا اشىلعان باسپا ۇيىندە رەداكتسيالىق كەڭەستىڭ العاشقى وتىرىسى ءوتتى.
نازارباەۆ ورتالىعىنىڭ جانىنان شىلدە ايىندا اشىلعان باسپا ۇيىندە رەداكتسيالىق كەڭەستىڭ العاشقى وتىرىسى ءوتتى.
پرەزيدەنت كەڭسەسىنىڭ باستىعى «نازارباەۆ ورتالىعى» مم ديرەكتورىنىڭ مىندەتىن ۋاقىتشا اتقارۋشى ماحمۇد قاسىمبەكوۆ اتاپ كورسەتكەندەي, قازاقستان رەسپۋبليكاسىنداعى پرەزيدەنتتىك ينستيتۋتقا, مەملەكەتتىلىكتىڭ قالىپتاسۋى مەن دامۋ تاريحىنا, سونداي-اق ساياسي-قوعامدىق, الەۋمەتتىك-مادەني ماسەلەلەرگە ارنالعان باسىلىمداردى جۇيەلەۋ جانە جارىققا شىعارۋ باسپا ءۇيىنىڭ نەگىزگى ماقساتتارىنىڭ ءبىرى بولىپ تابىلادى.
باسپا ءۇيى تاۋەلسىز قازاقستاننىڭ تاريحى مەن مادەنيەتىن زەرتتەۋشىلەر ءۇشىن بىرىڭعاي اقپاراتتىق كەڭىستىك پەن كاسىبي ورتا قالىپتاستىرادى. وسىعان وراي وتىرىستا باسپا ءۇيىنىڭ ساياساتى مەن ستراتەگياسىن جان-جاقتى اشىپ كورسەتەتىن ەرەجە تالقىلانىپ, باسپا ءۇيى قىزمەتىنىڭ ماقساتى مەن مىندەتى جانە باعىتى كۇن تارتىبىنە قويىلدى. پىكىر الماسۋ كەزىندە جەتەكشى عالىمدار مەن تالانتتى جاستاردىڭ جانە ەلىمىزدىڭ تاريحى مەن مادەنيەتىنە قىزىعۋشىلىق تانىتاتىن ادامداردىڭ عىلىمي كۇشىن بىرىكتىرۋ ءۇشىن جاڭا الاڭ قۇرۋ قاجەتتىگى ايتىلدى.
باسقوسۋ بارىسىندا باسپا ءۇيىنىڭ رەداكتسيالىق كەڭەس مۇشەلەرى بەكىتىلدى. ونىڭ قۇرامىنا قوعام جانە مەملەكەت قايراتكەرى مىرزاتاي جولداسبەكوۆ, ل.ن.گۋميلەۆ اتىنداعى ەۇۋ رەكتورى ەرلان سىدىقوۆ, «ەگەمەن قازاقستان» رەسپۋبليكالىق گازەتى» اق پرەزيدەنتى ساۋىتبەك ابدراحمانوۆ, س.سەيفۋللين مۇراجايىنىڭ ديرەكتورى نەسىپبەك ايت ۇلى, قازاق راديوسىنىڭ ديرەكتورى ماحات سادىق جانە باسقالار كىردى.
«ەگەمەن-اقپارات».