ماڭعىستاۋ وبلىستىق ەكولوگيا دەپارتامەنتىنىڭ باسشىسى توكەنوۆ رۋسلان كارىم ۇلى جانە «ەكولوگيا – ادالدىق الاڭى» جوبالىق كەڭسەسىنىڭ جەتەكشىسى مانوۆ اسەت مالىك ۇلى قوناقتا بولىپ, تىكەلەي ەفيردە الەۋمەتتىك جەلى قولدانۋشىلاردىڭ سۇراقتارىنا جاۋاپ بەردى. بۇل تۋرالى ماڭعىستاۋ وبلىستىق ەكولوگيا دەپارتامەنتى ءباسپاسوز قىزمەتى حابارلادى.
ءوڭىردىڭ باس ەكولوگى رۋسلان كارىم ۇلى ءوزى جەتەكشىلىك ەتەتىن ۆەدومستۆانىڭ نەگىزگى مىندەتتەرى, ايماقتىڭ ەكولوگيالىق احۋالى, قورشاعان ورتانى جاقسارتۋ باعىتىنداعى جۇمىستار, «تازا بولسا تابيعات – امان بولار ادامزات» ءداستۇرلى بايقاۋى, ەكولوگيالىق ءبىلىم بەرۋ مەن ناسيحاتتاۋ شارالارى, شەتپە كارەرلەرىنەن قورشاعان ورتاعا كەلتىرىلگەن زالالى, شيكىزات ءوندىرۋشى كومپانيالار تاراپىنان جىبەرىلەتىن زاڭ بۇزۋشىلىقتار, قر جاڭا ەكولوگيالىق كودەكسى, اسىرەسە ەكونوميكالىق ىنتىماقتاستىق جانە دامۋ ۇيىمى ساراپشىلارى تۇجىرىمداعان «لاستاۋشى تولەيدى» ءپرينتسيپى تۋرالى جانە تاعى باسقا وزەكتى ماسەلەلەر توڭىرەگىندە تەرەڭىرەك توقتالعان بولاتىن.
- قورشاعان ورتانى قورعاۋ ماسەلەسىنە جان-جاقتى قاراۋىمىز قاجەت. سەبەبى بۇل تەك ەكولوگيا دەپارتامەنتىنىڭ جۇمىسى دەپ ىسىرىپ قويۋعا بولمايدى, ەكولوگيانىڭ جاقسارۋىنا ءاربىر ادام ءوزىنىڭ ۇلەسىن قوسقاندا عانا, ناتيجە بولارى ءسوزسىز. بارلىق ماسەلە تەك ايىپپۇل سالۋمەن شەشىلمەيدى. ەڭ الدىمەن وسىنى ءتۇسىنۋ قاجەت. ايماقتىڭ ەكولوگيالىق احۋالىن جاقسارتۋ ءوز قولىمىزدا ەكەنىن ۇمىتپاۋىمىز كەرەك, دەيدى رۋسلان توكەنوۆ.
ال, «ەكولوگيا – ادالدىق الاڭى» جوبالىق كەڭەسىنىڭ جەتەكشىسى اسەت مالىك ۇلى, وتكەن جىلدىڭ اياعىندا ءوز جۇمىسىن باستاعان «Ecojer» قازاقستاندىق ەكولوگيالىق ايماقتىق باستامالار قاۋىمداستىعىنىڭ بولاشاعى بار ەكەندىگىنە سەنىمدى. ماسەلەن, ەلىمىزدەگى قوقىس پوليگوندارىندا 100 ملن توننادان استام كوممۋنالدىق قالدىقتار جينالعان. جىل سايىن ونىڭ كولەمى 4 ملن تونناعا ارتادى. قازىردىڭ وزىندە كوپتەگەن پوليگونداردىڭ پايدالانۋ مەرزىمى ءوتىپ كەتكەن, ال قوقىستاردى كومۋ ءۇشىن جاڭا جەر ۋچاسكەلەرى قاجەت. بۇل پروبلەمانىڭ شەشىمى بار جانە بۇل رەتتە «EcoJer» قاۋىمداستىعى «EcoNetwork» كومپانياسىمەن بىرلەسىپ قوقىستى بولەك جيناۋ مادەنيەتىن قالىپتاستىرۋدى ۇسىنعان. قاۋىمداستىق كەڭسەلەرىندە ارنايى ەكو-بوكستار ورناتىلعان.
- بۇل باستاما قالدىقتاردى ودان ءارى وڭدەۋ ءۇشىن سۇرىپتاۋعا مۇمكىندىك بەرەتىنىن ءتۇسىنۋىمىز قاجەت. مۇنداي ەكو-بوكستاردى عيمارات ىشىندە ورناتۋ قولعا الىنسا دەگەن تىلەگىم بار, ال ەكو-بوكستاردى قالاي پايدالانۋ كەرەكتىگىن جانە قالدىقتاردى قالاي دۇرىس سۇرىپتاۋ كەرەكتىگىن ءتۇسىنۋ اسا قيىندىق تۋعىزبايدى. ەگەر ءاربىر قازاقستاندىق قوقىستى سۇرىپتايتىن بولسا, وندا قوقىستىڭ 10-15% عانا پوليگونداردا قالادى, ال قالعاندارى ەكولوگياعا زيان كەلتىرمەي قايتا وڭدەلەدى. ماڭعىستاۋ وڭىرىندە وسىنداي باستامانى قولعا العاندار بار, كەيبىر كومپانيالار مەن بيزنەس ورتالىقتاردا كوردىم. جالپى قورشاعان ورتانى قورعاۋعا باعىتتالعان شارالار ءبىزدىڭ تاراپىمىزدان دا ۇسىنىلاتىن بولادى. جوسپارىمىز كوپ, كەز-كەلگەن مۇددەلى تاراپتارمەن قويان-قولتىق جۇمىس جاساۋعا دايىن ەكەنىمدى جەتكىزگىم كەلەدى, - دەدى اسەت مانوۆ.
«Man`g`ystay` - adaldyq alan`y» جوبالىق كەڭسەسىنىڭ «Facebook» الەۋمەتتىك جەلىسىندەگى اككاۋنتىندا ءبىر ساعاتقا سوزىلعان تىكەلەي ەفيردە قويىلعان بارلىق سۇراقتارعا تۇشىمدى جاۋاپتار بەرىلدى.