بالكىم, قاتەلەستى مە ەكەن؟.. بىراق, باۋىر ەتىنە بالايتىن بالاسىن دالاعا تاستاۋعا بولا ما؟ بيىلعى قىستا اتىراۋدا «كوكەك» انا پەرىشتەدەي بەيكۇنا ءسابيىن جىلۋ قۇبىرىنىڭ ۇستىنە تاستاپ كەتكەن ەدى.
جارىق دۇنيەگە ىڭگالاپ كەلگەن ءسابيدىڭ تاتار ءدامى بار ەكەن. قاڭتاردىڭ سۋىعىنا قالتىراعان ءسابيدىڭ جىلاعان داۋسىن الاكەۋىمدە ويانعان تۇرعىننىڭ ءبىرى ەستىپ, ۇيىنە قۇشاقتاپ اكەلىپتى. دەرەۋ جەدەل جاردەم شاقىرىپ, دارىگەرلەردىڭ قاراۋىنا تاپسىردى.
كىندىگى كەسىلمەي, تاستاندىعىنا اينالعان ءسابيدىڭ جۇرەك سوعىسى تومەندەسە دە دارىگەرلەر امان الىپ قالدى. ال, پوليتسەيلەر باتىس قازاقستان وبلىسىنان كەلگەن «كوكەك» انانى ءۇش كۇن ىزدەپ, اقىرى قولعا تۇسىرگەن ەدى. تاياۋدا سوتتا بەزبۇيرەك انانىڭ ءىسى قارالدى.
–سوتتالۋشىعا قر قىلمىستىق كودەكستىڭ 119-بابى, 2-بولىگىمەن (كومەكسiز قالدىرىلعان ادامنىڭ دەنساۋلىعىنا ابايسىزدا اۋىر نەمەسە اۋىرلىعى ورتاشا زيان كەلتىرۋگە اكەپ سوققان قاۋiپتi جاعدايدا قالدىرۋ) ايىپ تاعىلدى. ايىپتالۋشى ءوزىنىڭ جاساعان ارەكەتىن تولىق مويىنداپ, پروتسەسۋالدىق كەلىسىم جاساۋ جونىندە ۇسىنىس ءبىلدىردى. سوت ونى كىنالى دەپ تانىپ, 1 جىل مەرزىمگە باس بوستاندىعىن شەكتەۋ جازاسىن تاعايىندادى, - دەپ حابارلادى اتىراۋ وبلىستىق سوتىنىڭ ءباسپاسوز قىزمەتى.