بۇگىن تاعى دا 23 ادامنان كوروناۆيرۋس ينفەكتسياسى انىقتالدى. ناۋقاستاردىڭ ءبارى –تەڭىز كەنىشىنىڭ جۇمىسشىلارى.
–قاۋىپتى ىندەتكە شالدىققاندار ينفەكتسيالىق ستاتسيونارعا جاتقىزىلدى. ولار ءتيىستى حاتتامالارعا سايكەس ەم قابىلداۋدا. قازىرگى ۋاقىتتا ينفەكتسيا وشاقتارىنا دەزينفەكتسيا جۇمىستارى جۇرگىزىلىپ جاتىر. سونداي-اق ناۋقاستارمەن بايلانىستا بولعان ادامدار انىقتالىپ, دارىگەرلەردىڭ باقىلاۋىنا الىندى, دەپ حابارلادى وڭىرلىك جەدەل شتابتان.
وڭىرلىك شتابتىڭ مالىمەتىنشە, بۇگىن اتىراۋدا قاۋىپتى ىندەتتى جۇقتىرعان 792 ناۋقاس تىركەلدى. ونىڭ ىشىندە تەڭىز كەنىشىندەگى 42 مەردىگەر مەكەمەنىڭ 712 جۇمىسشىسى بار. كەن ورنىنداعى ۆاحتالىق اۋماقتا قاۋىپتىڭ ىندەتتىڭ 22 وشاعى انىقتالىپ وتىر.