اتىراۋ: تۇڭعيىقتا تۇنعان مۇناي

كاسىپورىننىڭ قوعاممەن بايلانىس قىزمەتى ۇسىنعان اقپاراتقا سۇيەنسەك, بىلتىردان بەرى  رەسۋرستىق بازانى ۇلعايتۋ جۇمىستارى جالعاسۋدا. جاقىندا مۇنايشىلار س.نۇرجانوۆ كەن ورنىنىڭ سولتۇستىك-باتىس بولىگىندە گەولوگيالىق بارلاۋدى جۇرگىزۋ بارىسىندا تابىستى ناتيجەلەرگە قول جەتكىزدى.

–بايىرعى كەن ورىندارىن يگەرەتىن كومپانيانىڭ باسىم مىندەتتەرىنىڭ ءبىرى –رەسۋرستىق بازانى ۇلعايتۋ. وسى باعىتتاعى جۇيەلى جۇمىستاردىڭ ناتيجەسىندە س.نۇرجانوۆ كەن ورنىنداعى بۇرعىلانباعان بولىگىنىڭ ترياس شوگىندىلەرىندە 3252-3265 مەتر تەرەڭدىكتە جاڭا ءونىمدى گوريزونت انىقتالدى. نسۆ-11 باعالاۋ ۇڭعىماسىن بۇرعىلاۋ قورىتىندىسىمەن 9 مم شتۋتسەردە   تاۋلىگىنە 165 تەكشە مەتر دەبيتپەن سۋسىز مۇناي بۇرقاعى الىندى. مۇنداعى مۇنايدىڭ ۇلەس سالماعى – 0,836 گ/سم3, ال, گاز فاكتورى – 105 م3/م3. قازىرگى ۋاقىتتا مۇندا ۇڭعىما جۇمىسىنىڭ وڭتايلى رەجيمىن انىقتاۋ ماقساتىندا كاسىپشىلىك-گەولوگيالىق جانە گيدروديناميكالىق زەرتتەۋلەر كەشەنىن جۇرگىزۋ ارقىلى سىناق جالعاسۋدا, - دەيدى «ەمبىمۇنايگاز» اق باسقارما توراعاسى ەسەن قايىرجان.