قاراعاندى وبلىسىندا 18 مامىردان باستاپ كارانتيندىك ءىس-شارالاردى جەڭىلدەتۋدىڭ كەزەكتى كەزەڭىنىڭ ەنگىزىلەتىنى جەرگىلىكتى Saryarqa تەلەارناسىندا تىكەلەي ەفيردە وتكەن بريفينگ بارىسىندا بەلگىلى بولدى.
– مامىردىڭ 18-ىنەن باستاپ قاراعاندى-اباي, قاراعاندى-ساران, قاراعاندى-شاحتينسك, قاراعاندى-شاحان, قاراعاندى-توپار, جەزقازعان-ساتباەۆ باعىتتارى بويىنشا اۆتوبۋس مارشرۋتتارىنىڭ جۇمىسى قالپىنا كەلتىرىلەدى. م ۇلىكتى باعالاۋ جونىندەگى كومپانيا مەن اۋديتورلىق كەڭسەلەر جۇمىسىنا كىرىسە الادى. باسسەيندەردى قوسپاعاندا, سپورت نىساندارى اشىلادى, بىراق بۇل جەردە شۇعىلدانۋشىلار سانى 30 ادامنان اسپاۋى ءتيىس. ال كورەرمەندەردىڭ قاتىسۋىمەن جارىستار مەن بۇقارالىق ءىس-شارالار وتكىزۋگە تىيىم ءالى الىنعان جوق, – دەپ اتاپ ءوتتى وبلىس اكىمىنىڭ ورىنباسارى الىشەر ابدىقادىروۆ.
بريفينگ بارىسىندا تەمىرتاۋ مەن بوتاقارا كەنتىنەن باسقا ەلدى مەكەندەردە اڭ اۋلاۋ مەن بالىققا بارۋعا رۇقسات ەتىلەتىنى بەلگىلى بولدى. بۇدان بولەك, 25 مامىردان باستاپ بالا باقشالاردا 10 ادامعا دەيىن كەزەكشى توپتار اشۋ جوسپارلانىپ, قازىرگى ۋاقىتتا وعان قاجەتتى دايارلىق جۇمىستارى جۇرگىزىلۋدە.
جولاۋشىلارعا قىزمەت كورسەتۋ ءۇشىن قاراعاندى اۆتوۆوكزالى, جەزقازعان, ساتباەۆ, شاحتينسك, اباي, ساران قالالارى مەن توپار جانە شاحان كەنتتەرىنىڭ اۆتوستانسالارىن اشۋ جوسپاردا بار.
سونداي-اق, قانات اسقاروۆ ساۋدا-ويىن-ساۋىق ورتالىقتارىندا, ساۋدا ۇيلەرى مەن بيزنەس-ورتالىقتاردا ءبىرىنشى قاباتتا ورنالاسقان دۇكەندەر جۇمىس ىستەي الاتىنىن ءمالىم ەتتى. بۇل جەردە جۇمىس ىستەۋگە رۇقسات تەك كوشەدەن بولەك كىرە الاتىن جانە باسقا بولىمدەردەن وقشاۋلانعان نىساندارعا عانا بەرىلەدى.
مونشالار مەن ساۋنالار دا جۇمىس ىستەي باستايدى. بىراق ولار سىيىمدىلىعىنان جارتىلاي مولشەردە عانا كەلۋشىلەردى قابىلداي الادى. ونىڭ ۇستىنە سانيتارلىق-ەپيدەميولوگيالىق تالاپتاردى قاتاڭ ساقتالۋى كەرەك. ماسەلەن, كەلۋشىلەر كەمىندە ەكى مەتر قاشىقتىقتى ساقتاۋى ءتيىس.
تاعى ءبىر ەسكەرتە كەتەتىن جايت, بۇل ءىس-شارالار تەك قانا تەمىرتاۋ قالاسى مەن بوتاقارا كەنتىنەن باسقا ەلدى مەكەندەرگە قاتىستى.
ۆاحتالىق تاسىلمەن جۇمىس ىستەيتىندەر ءۇشىن دە قاپەردە ۇستايتىن جاڭالىق بار. مىسالى, قاراعاندى وبلىسىنا باسقا وڭىرلەردەن ۆاحتاعا كەلەتىن نەمەسە ۆاحتادان قايتاتىن قىزمەتكەرلەردىڭ قولىندا جۇمىسى باستالعانعا نەمەسە اياقتالعانعا دەيىن كەمىندە ءۇش كۇن بۇرىن جاسالعان پتر-دياگنوستيكانىڭ ناتيجەسى بولۋى كەرەك. بۇل كوروناۆيرۋس ينفەكتسياسىن جۇقتىرۋدىڭ الدىن الۋ اياسىنداعى قولعا الىنعان ساقتىق شاراسى.
وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى قانات اسقاروۆ ء«بىز ءالى كوروناۆيرۋس ينفەكتسياسىن جەڭگەن جوقپىز», دەپ مالىمدەدى
– بارلىق اشىلاتىن نىسانداردا كۇشەيتىلگەن سانيتارلىق-دەزينفەكتسيالىق رەجىمدى ساقتاۋ مىندەتىن ەسكە سالعىم كەلەدى. كاسىپورىن يەلەرى, باسشىلارى قىزمەتكەرلەردىڭ دەنساۋلىعىنا جاۋاپتى. COVID-19 پاندەمياسىن جۇقتىرۋ قاۋپى ءالى دە جوعارى, – دەپ اتاپ ءوتتى ول.
بريفينگ سوڭىندا قاراعاندى وبلىسىنىڭ باس مەملەكەتتىك سانيتارلىق دارىگەرى قانات اسقاروۆ تۇرعىنداردى جەكە گيگيەنا ەرەجەلەرى مەن الەۋمەتتىك قاشىقتىقتى قاتاڭ ساقتاپ, مۇمكىندىگىنشە ۇيدە وتىرۋعا شاقىردى.
قاراعاندى وبلىسى