جۇكتىلىكتىڭ 40-شى اپتاسىندا كوروناۆيرۋس ىندەتىن جۇقتىرىپ, №2 وبلىستىق ينفەكتسيالىق اۋرۋحاناسىنا تۇسكەن 28 جاستاعى جۇكتى ايەل بوساندى. ول اۋرۋحانانىڭ ينفەكتسيالىق ستاتسيونارىنا جۇكتىلىكتىڭ 40-اپتاسىندا ءتۇسىپتى.
وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى ۇسىنعان مالىمەتكە سۇيەنسەك, اۋرۋحانانىڭ دارىگەر-ينفەكتسيونيست ماماندارى ءبىر اپتا بويى جۇكتى ايەلدى نازاردان تىس قالدىرماي, ساۋلىعىن باقىلادى. جۇكتىلىكتىڭ 41-ءشى اپتاسىندا وبلىستىق پەريناتالدىق ورتالىقتان تاجىريبەلى گينەكولوگ, دارىگەر-نەوناتولوگ جانە اكۋشەرلىك توپ قۇرامى شاقىرىلدى.
ال, جاڭا تۋعان نارەستەنىڭ سالماعى – 3,5 كەلى, بويى – 55 سم. دارىگەرلەر سابيدەن كوروناۆيرۋسقا قارسى تالداۋ الىپ, اناسىنا وقشاۋلادى. ء سابيدىڭ اناليز قورىتىندىسى ەرتەڭ بەلگىلى بولماق.
–بالانىڭ جاعدايى جاقسى. ونى ينفەكتسيالىق ستاتسيوناردىڭ ارنايى ازىرلەنگەن تازا پالاتاسىنا ورنالاستىردىق. ءسابيدىڭ دەنساۋلىعىن مەديتسينالىق قىزمەتكەرلەر ۇزدىكسىز قاداعالايدى. قاۋىپتى ىندەتتى جۇقتىرعانمەن, امان-ەسەن جەڭىلدەنگەن كەلىنشەك ينفەكتسيالىق ستاتسيوناردا ەمىن جالعاستىرا بەرەدى. ول قاۋىپتى ىندەتتەن ايىققان سوڭ عانا ۇلىمەن بىرگە بولادى, - دەيدى №2 وبلىستىق اۋرۋحانانىڭ ديرەكتورى ماحجان سيدجانوۆ.