قازاقستان رەسپۋبليكاسى قورعانىس ءمينيسترىنىڭ 2018 جىلعى 3 قاراشاداعى «Əسكەري وقۋ ورىندارىنىڭ تاۋارلاردى (جۇمىستاردى, كورسەتىلەتىن قىزمەتتەردى) وتكىزۋ جونىندەگى اقىلى قىزمەت تۇرلەرىن كورسەتۋ جانە ولاردىڭ تاۋارلاردى (جۇمىستاردى, كورسەتىلەتىن قىزمەتتەردى) وتكىزۋدەن تۇسكەن اقشانى جۇمساۋ قاعيدالارىن بەكىتۋ تۋرالى» بۇيرىعىنا وزگەرىس ەنگىزىلدى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
جاڭا رەداكتسيادا كادرلاردى جانە ورتا بۋىن ماماندارىن قايتا دايارلاۋ جانە بىلىكتىلىگىن ارتتىرۋ تىزبەسىنە جەكە جانە زاڭدى تۇلعالار ەنگىزىلدى. قىزمەت كورسەتۋ تىزىمىنە اقىلى نەگىزدە گەرالديكالىق, كادەسىي قىزمەتتەرى مەن اتريبۋتيكا قوسىلعان. پوليگونداردى بەرۋدەن تۇسەتىن قاراجاتتى جۇمساۋ ءۇشىن پوليگوندارعا ارنالعان شىعىس ماتەريالدارى مەن جابدىقتارىن ساتىپ الۋ ەنگىزىلدى. سونداي-اق بۇيرىققا ەنگىزىلگەن وزگەرىستەردە اقىلى نەگىزدە عىلىمي-ەكسپەريمەنتالدىق, وقۋ-ماتەريالدىق, سپورت بازالارىن, كىتاپحانالاردى 50, 200, 400 ورىنعا ارنالعان تۇسكى اس زالىن, 20 ورىنعا ارنالعان VIP-زالىن, سونداي-اق كونفەرەنتسيا مەن بريفينگ زالدارىن, ۇلتتىق قورعانىس ۋنيۆەرسيتەتىنىڭ اكت زالدارى مەن اۋديتوريالارىن ولاردىڭ فۋنكتسيونالدىق ماقساتى بويىنشا ۇسىنۋ كوزدەلەدى.
تاعى بىرنەشە تارماق نورماتيۆتىك قۇقىقتىق اكتىلەرگە مونيتورينگ جۇرگىزۋ بارىسىندا انىقتالعان كەمشىلىكتەردى ەسكەرە وتىرىپ, بۇيرىقتىڭ جاڭا رەداكتسياسىندا باياندالعان.