شىمكەنت قالاسىندا بيىل ۇزىنداعى 134,4 شاقىرىم بولاتىن 11 كانال قايتا جاڭارتىلادى. بۇل تۋرالى شىمكەنت قالاسى اكىمىنىڭ توراعالىعىمەن وتكەن اپپاراتتىڭ وتىرىسىندا ايتىلدى.
جيىندا قالالىق اۋىل شارۋاشىلىعى جانە ۆەتەريناريا باسقارماسىنىڭ باسشىسى اسقار قانىبەكوۆ سۋارىلاتىن جەرلەردىڭ يرريگاتسيالىق ينفراقۇرىلىمىن جاڭعىرتۋ ماسەلەسى جايىن باياندادى. باسقارما باسشىسى بۇگىندە شىمكەنتتە جالپى ۇزىندىعى 241,24 شاقىرىمدى قۇرايتىن 27 كانالدىڭ بار ەكەنىن اتاپ ءوتتى. بيىلعى جاڭاراتىن 11 كانالدىڭ ءبىرى ۇزىندىعى 10 شاقىرىمدى قۇرايتىن «وتەمىس» كانالى. بۇل سۋ ارناسىندا كۇردەلى جوندەۋ جۇمىستارى باستالىپ كەتتى. سمەتالىق قۇنى 545 ملن.تگ قۇرايدى.
سۋارمالى جەرلەردىڭ ينفراقۇرىلىمىن جاڭعىرتۋ ارقىلى اگروونەركاسىپتىك كەشەننىڭ دامۋىنا ايرىقشا سەرپىن بەرەتىنىن ايتقان قالا باسشىسى يرريگاتسيالىق ينفراقۇرىلىمدى دامىتۋ جانە جاڭعىرتۋ جوبالارىن ىسكە اسىرۋدى تەزدەتىپ باستاۋدى, سونداي-اق قاراجاتتىڭ ءتيىمدى يگەرىلۋىنە تيىسىنشە باقىلاۋ جۇرگىزۋدى قامتاماسىز ەتۋدى تاپسىردى.
ايتا كەتۋ قاجەت, «شىمكەنت قالاسىنىڭ وزەن جانە كانال ارنالارىنا مەحانيكالىق تازالاۋ بويىنشا سەرۆيستىك قىزمەت كورسەتۋ» مەملەكەتتىك جەكەشىلىك ارىپتەستىك جوبالارى بويىنشا 2020-2024 جىلدارعا 850 ملن تەڭگە قارالعان. ياعني, تاعى 16 كانال ارناسىن (117,3 شاقىرىم) مەحانيكالىق تازالاۋ كوزدەلىپ وتىر.
شىمكەنت