ەلوردا تۇرعىندارى ماسكا تاعىپ ءجۇرۋ رەجيمىن قاتاڭ ساقتاۋى كەرەك. بۇل Covid-19 تاراتۋ تاۋەكەلىن تومەندەتۋگە مۇمكىندىك بەرەدى. بۇل تۋرالى ونلاين-بريفينگ بارىسىندا قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا مالىمدەدى.
«مامىر ايىنىڭ العاشقى اپتاسىندا اۋرۋشاڭدىق ءوسىمى 4,9%-دى, ەكىنشى اپتادا 3,9%-دى قۇرادى. اۋرۋشاڭدىقتىڭ ءوسۋى, جاڭا جاعدايلاردى تىركەۋ 20,5%-عا تومەندەگەنى بايقالادى. كارانتيندى الىپ تاستاۋ كەزەڭدەرى قالادا سىرقاتتانۋشىلىقتىڭ ازايۋىنا بايلانىستى ءار جەتى كۇن سايىن بەلگىلەنەدى. قۇرمەتتى قالا تۇرعىندارى, كارانتيندى الىپ تاستاۋدى جەدەلدەتۋ تىكەلەي سىزدەرگە بايلانىستى. ينفەكتسيانىڭ تارالۋىن بولدىرماۋ ءۇشىن بازالىق تالاپتاردى قاتاڭ ۇستانۋ قاجەت», – دەپ اتاپ ءوتتى ساۋلە قيسىقوۆا.
سونداي-اق ول قاراپايىم قورعانىس قۇرالدارى – مەديتسينالىق ماسكالار, الەۋمەتتىك قاشىقتىقتى ساقتاۋ ماڭىزدىلىعىن اتاپ ءوتتى.