قالالار ىنتىماقتاستىعىنىڭ قادامى

جاقىندا اقتوبە قالاسىنىڭ اكىمى ەرحان وماروۆ قىتاي حالىق رەسپۋبليكاسى شىڭجان-ۇيعىر اۆتونوميالى اۋدانى قاراماي قالاسى حالىقتىق ۇكىمەتى مەرىنىڭ ءبىرىنشى ورىنباسارى يان سيۋەۆەن باستاعان دەلەگاتسيانى قابىلدادى.

جاقىندا اقتوبە قالاسىنىڭ اكىمى ەرحان وماروۆ قىتاي حالىق رەسپۋبليكاسى شىڭجان-ۇيعىر اۆتونوميالى اۋدانى قاراماي قالاسى حالىقتىق ۇكىمەتى مەرىنىڭ ءبىرىنشى ورىنباسارى يان سيۋەۆەن باستاعان دەلەگاتسيانى قابىلدادى.

ۇستىمىزدەگى جىلعى 7 قىركۇيەكتە پرە­زي­دەنت نۇرسۇلتان نازارباەۆ قىتاي حالىق رەس­پۋبليكاسىنىڭ توراعاسى سي تسزينپينمەن كەزدەسىپ, ەكى ەل اراسىنداعى ستراتەگيالىق ىنتىماقتاستىقتى ودان ءارى نىعايتۋ جونىندە كەلىسىمگە كەلگەنى بەلگىلى. اقتوبە جانە قاراماي قالالارى باسشىلارىنىڭ بۇل كەزدەسۋىنىڭ ماقساتى وسى كەلىسىمدەر اياسىندا ايماقتار اراسىندا ارىپتەستىك قارىم-قاتىناس ورناتۋدىڭ باستاپقى قادامى بولىپ تابىلادى. قىتاي دەلەگاتسياسىنىڭ ءبىزدىڭ قالامىزعا كەزەكتى ءىسساپارى الداعى ۋاقىتتا وسى قالالار اراسىندا ىسكەرلىك قارىم-قاتىناستىڭ ورناۋىنا, سونىمەن قاتار, الەۋمەتتىك جانە ەكونوميكالىق سالالاردا اقپارات الماسۋ الاڭىنا اينالۋىنا العىشارت جاسايدى دەپ كۇتىلۋدە.

شاھار باسشىسى بۇل كەزدەسۋدىڭ قالالار اراسىنداعى قارىم-قاتىناستى نىعايتۋعا بەرىك نەگىز قالايتىنىن ايتا كەلىپ, قازىر ەكى ەل اراسىنداعى تاۋار اينالىمى 26 ميلليارد دوللار قۇرايتىنىن, ەلباسى ن. نازارباەۆتىڭ ونى بولاشاقتا 40 ميلليارد دوللارعا دەيىن جەتكىزۋگە تاپسىرما بەرگەنىن جەتكىزدى.

كەزدەسۋدە سويلەگەن قاراماي قالاسى حالىقتىق ۇكىمەت مەرىنىڭ ءبىرىنشى ورىنباسارى يان سيۋەۆەن ەكى ەلدىڭ, ەكى قالانىڭ اراسىندا ىنتىماقتاستىقتى نىعايتۋدىڭ ماڭىزدىلىعىن اتاپ ءوتتى. ونىڭ مالىمدەۋىنشە, قاراماي دا اقتوبە سەكىلدى ءوندىرىسى جاقسى دامىعان مۇنايلى ولكە. قازاقستاندا قاراماي قالاسىمەن دوستىق قارىم-قاتىناس ورناتۋ باعىتىندا اقتوبە جانە اقتاۋ قالالارى كەلىسىمگە قول قويعان. قازىرگى ۋاقىتتا اقتاۋ قالاسىندا قحر سەرىكتەستەرىنىڭ قاتىسۋىمەن قۇبىر زاۋىتى مەن مۇناي جابدىقتارى كەشەنى قۇرىلىسىن جۇرگىزۋ جوسپارلانىپ وتىرعان كورىنەدى. ال اقتوبە مەن قاراماي ازىرگە تەك دوستىق قارىم-قاتىناستار ورناتۋ كەلىسىمىنە قول قويدى. بۇل كەزدەسۋ ەكى جاقتان دا ۇلكەن ىستەردىڭ باستاماسى رەتىندە باعالاندى.

قىتايلىق قوناقتار «سنپس-اقتوبە­مۇ­ناي­گاز» اق باسشىسىمەن كەزدەسىپ, نىساندار­دا بولدى, «اكتيۋبسترويحيممونتاج» جشس-نىڭ پوليەتيلەن قۇبىرلارىن شىعاراتىن جانە «تك فارم اقتوبە» جشس-نىڭ جو­عارى تەحنولوگيالىق قىتاي جابدىقتارى قول­دانىلاتىن ءدارى-دارمەك شىعارۋ زاۋىت­تارىنىڭ جۇمىستارىمەن تانىستى.ولار نازار­باەۆ زياتكەرلىك مەكتەبىن جانە باسقا دا بىرقاتار مادەني نىسانداردى ارالاپ كوردى.

ساتىبالدى ءساۋىرباي,

«ەگەمەن قازاقستان».

اقتوبە وبلىسى.