پرەزيدەنت نۇرسۇلتان نازارباەۆتىڭ «قازاقستان – 2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا ءبىلىم بەرۋ مەكەمەلەرىندە پاتريوتتىق تاربيە بەرۋ, مەملەكەتتىك ءتىلدى, ۇلتتىق ءداستۇردى دامىتۋ باعىتىندا جۇمىستار جۇرگىزۋ قاجەتتىگىنە ەرەكشە ءمان بەرىلگەنى بەلگىلى.
پرەزيدەنت نۇرسۇلتان نازارباەۆتىڭ «قازاقستان – 2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا ءبىلىم بەرۋ مەكەمەلەرىندە پاتريوتتىق تاربيە بەرۋ, مەملەكەتتىك ءتىلدى, ۇلتتىق ءداستۇردى دامىتۋ باعىتىندا جۇمىستار جۇرگىزۋ قاجەتتىگىنە ەرەكشە ءمان بەرىلگەنى بەلگىلى.
وسى تۇرعىدان العاندا, باتىس قازاقستان وڭىرىندەگى ىرگەلى وقۋ ورىندارىنىڭ ءبىرى مارات وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتىندە وتكەن ەگەمەن ەلىمىز پارلامەنتىنىڭ تۇڭعىش سپيكەرى, ەكونوميكا عىلىمدارىنىڭ دوكتورى, پروفەسسور, حالىقارالىق ەكونوميكا عىلىمدارى اكادەمياسىنىڭ اكادەميگى, تانىمال مەملەكەت جانە قوعام قايراتكەرى مارات وسپانوۆتى ەسكە الۋعا ارنالعان مادەني-تاربيەلىك شارانىڭ زور ءتالىم-تاعىلىمدىق ماڭىزى بولدى. حالقىنا قىزمەت ەتۋدىڭ ۇلگىسىن كورسەتكەن قوعام قايراتكەرىنىڭ جارقىن بەينەسىن جاس ۇرپاقتىڭ جادىندا جاڭعىرتۋ ۇلاعاتى مول شارا رەتىندە ەستە قالدى.
وسى جوعارى وقۋ ورنى باسشىلىعىنىڭ, №1 جالپى مەديتسينا فاكۋلتەتى دەكاناتىنىڭ قولداۋىمەن وتكەن بۇل شارانىڭ باستى ەرەكشەلىگى ونىڭ بۇرىنعى ۋاقىتتارداعىداي جوعارىدان بەرىلگەن تاپسىرمامەن ەمەس, ۋنيۆەرسيتەتتىڭ «الەۋمەتتىك-ساياسي پاندەر» كافەدراسى جانىنداعى «زەردە» قوعامدىق پىكىر-سايىس كلۋبىنىڭ باستاماسىمەن ۇيىمداستىرىلۋىندا جانە جاستاردىڭ تاراپىنان ۇلكەن قىزىعۋشىلىق پەن ىنتالىلىق تۋدىرۋىندا ەدى.
شاراعا جينالعاندار ۋنيۆەرسيتەتتىڭ باس عيماراتىندا ورنالاسقان مارات وسپانوۆتىڭ ەسكەرتكىش-بيۋستىنە گۇل شوقتارىن قويىپ, وقۋ ورنى مۋزەيىمەن, ونداعى تۇعىرلى تۇلعاعا ارنالعان ەكسپوناتتارمەن, فوتوسۋرەتتەرمەن تانىستى. سونان سوڭ ولار ۋنيۆەرسيتەتتىڭ ۇلكەن ءماجىلىس زالىنا جينالىپ, بەلگىلى قوعام جانە مەملەكەت قايراتكەرى تۋرالى بەينە-ماتەريالدى كوردى. وندا مارات تۇردىبەك ۇلىنىڭ جاستىق شاعىنان باستاپ, ادام, ازامات, ۇلكەن تۇلعا بولىپ قالىپتاسۋى جولدارى كورسەتىلدى. ونىڭ جاسىنان ونەرگە اۋەس بولىپ ترۋبادا, گيتارادا ويناعانى جانە سوڭعى جىلداردا قازاقتىڭ ءتول مۋزىكالىق اسپابى دومبىرا تارتۋدى جاقسى يگەرىپ, ونى دارىپتەگەنىن كورىپ, ءتىپتى مارات تۇرلىبەك ۇلىنىڭ «دومبىرا اسپابىندا ويناۋ ءاربىر قازاققا ءتان بولۋ كەرەك, ول ءتىلدى يگەرۋگە دە سەپتىگىن تيگىزەدى» دەگەنى كورەرمەندەر مەن قاتىسۋشىلاردىڭ كوڭىلىن تولقىتتى.
ارىپتەستەرى جانە كەيىنگى بۋىن وكىلدەرى ونى ەسكە الىپ, «قوعام قايراتكەرى, عالىم, ساياسي تۇلعا» تاقىرىبىندا دوڭگەلەك ۇستەل ۇيىمداستىردى. «زەردە» قوعامدىق پىكىر-سايىس كلۋبىنىڭ قۇرمەتتى توراعاسى, «الەۋمەتتىك-ساياسي پاندەر» كافەدراسىنىڭ جەتەكشىسى, فيلوسوفيا عىلىمدارىنىڭ دوكتورى, پروفەسسور التاي تايجانوۆ مارات تۇردىبەك ۇلى تۋرالى قىسقاشا بايانداپ, ونىڭ وسى زامان تۋدىرعان تۇلعا ەكەندىگىن, ءبىزدىڭ ەگەمەن, ءتاۋەلسىز قازاقستاننىڭ جاڭا تاريحىندا, ەلىمىزدىڭ ساياسي, الەۋمەتتىك-ەكونوميكالىق تۇرعىدان دامۋىنىڭ تەورياسى مەن باسقارىلۋىنا قوسقان زور ۇلەسىن ايتىپ ءوتتى.
جالپى العاندا بۇل شارانىڭ جاس ۇرپاق تاربيەسىنە بەرەر ۇلگىلى جاعى كوپ بولدى. ۇيىمداستىرۋشىلار الداعى ۋاقىتتا دوڭگەلەك ۇستەلدى عىلىمي كونفەرەنتسيا دەڭگەيىنە كوتەرۋگە ۇيعارىم جاسادى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.