سوڭعى كۇندەرى تەڭىز كەنىشىنىڭ جۇمىسشىلارىنىڭ قاۋىپتى ىندەتتى جۇقتىرۋى توقتاماي تۇر. وكىنىشكە وراي, بۇگىن تاعى دا 25 جۇمىسشىدان كوروناۆيرۋس ينفەكتسياسىنىڭ بەلگىسى انىقتالدى. ولاردىڭ ۇشەۋى – ءۇندىستاننىڭ ازاماتى.
توتەنشە جاعداي رەجيمىن قامتاماسىز ەتۋ جونىندەگى وڭىرلىك جەدەل شتابتىڭ مالىمەتىنشە, جۇمىسشىلار تۇرعىلىقتى مەكەنجايىنا بارا الدىندا ارنايى تەستتەن ءوتىپتى.
-قاۋىپتى ىندەت جۇقتىرعان 25 ناۋقاستىڭ ءبارى – ەر ادام. اراسىندا ءۇندىستاننىڭ 3 ازاماتى بار. قازىر ناۋقاستار ينفەكتسيالىق ستاتسيونارعا جاتقىزىلىپ, حاتتاماعا سايكەس ەم قابىلداۋدا. ىندەت وشاعىندا دەزينفەكتسيا جاسالىپ جاتىر. ناۋقاستارمەن بايلانىستا بولعان ادامدار دارىگەرلەر باقىلاۋىنا الىندى, - دەپ اقپارات تاراتتى وڭىرلىك جەدەل شتاب.
بۇگىن اتىراۋ وبلىسىندا قاۋىپتى ىندەتتىڭ «قارماعىنا» ىلىنگەن ادامداردىڭ سانى 457-گە جەتىپ وتىر. ال, 127 ادام كوروناۆيرۋستى جەڭىپ شىقتى.