استانادا «AstanaLeisure 2013» حالىقارالىق تۋريستىك كورمەسى اشىلدى. وندا سوڭعى تۋريستىك ونىمدەر, اۋە كومپانيالارىنىڭ ارنايى ۇسىنىستارى جانە تۋريستىك نارىقتاعى مەملەكەتتىك قۇرىلىمداردىڭ قىزمەتتەرى تانىستىرىلادى.
استانادا «AstanaLeisure 2013» حالىقارالىق تۋريستىك كورمەسى اشىلدى. وندا سوڭعى تۋريستىك ونىمدەر, اۋە كومپانيالارىنىڭ ارنايى ۇسىنىستارى جانە تۋريستىك نارىقتاعى مەملەكەتتىك قۇرىلىمداردىڭ قىزمەتتەرى تانىستىرىلادى.
پاۆلوداردا جاس جۋرناليستەردىڭ ءبىرىنشى رەسپۋبليكالىق سلەتى ءوتىپ جاتىر. كەشە باستالعان فورۋمدا جاڭا بۋىن گازەت قىزمەتكەرلەرى, رەپورتەرلەر, تەلەحابارلار جۇرگىزۋشىلەرى مەن ينتەرنەت-بلوگەرلەرى قازىرگى زامانعى جۋرناليستيكانىڭ وزەكتى تۇستارى تۋرالى پىكىر الماسۋدا.
كەشە شىعىس قازاقستان وبلىسى قۇقىق قورعاۋ ورگاندارىنىڭ باسشىلارى ريددەر قالاسىنىڭ جۇرتشىلىعىمەن كەزدەستى. وبلىس اكىمى بەردىبەك ساپارباەۆ باستاپ كەلگەن بۇل جۇزدەسۋ بارىسىندا اتالمىش سالادا قوردالانىپ قالعان كوپتەگەن ماسەلەلەر بويىنشا ەگجەي-تەگجەيلى اڭگىمە ايتىلدى.
شىمكەنتتە مۇمكىندىگى شەكتەۋلى كاسىپكەرلەرگە تىگىن ماشيناسى بەرىلدى. «دامۋ» قورى مەن «DeltaBank» بىرلەسىپ ۇيىمداستىرعان باعدارلاما اياسىندا بيىلعى جىلى مۇگەدەك كاسىپكەرلەردەن كەلىپ تۇسكەن 1 180 ءوتىنىشتىڭ 784-ءى قاناعاتتاندىرىلدى.
تىراۋدا «ساتباەۆ وپەرەيتينگ» جشس قوعامدىق تىڭداۋ وتكىزدى. وندا 2014 جىلعا ارنالعان تابيعات قورعاۋ شارالارى تۋرالى ەسەپ بەرىلدى.
جامبىل وبلىسىندا ەسىرتكى ساتۋشىلار ايعاقتاردى جويۋ ءۇشىن وزدەرىنىڭ ءۇيىن ورتەپ جىبەردى. وقيعا شۋ اۋدانى بەلباسار اۋىلىندا ورىن العان. ال پوليتسەيلەر 31 جاستاعى ەر كىسىنىڭ ۇيىنەن 60 كيلوعا جۋىق ماريحۋانا تاپقان.
«قازاقپارات», «قازاقستان جاڭالىقتارى», Bnews.kz, TengriNews, EgemenNews حابارلارى بويىنشا دايىندالدى.