وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, 33 جاستاعى جۇكتى ايەل وبلىستىق پەريناتالدىق ورتالىعىنا قوسىمشا اۋرۋىمەن جەدەل-جاردەممەن جەتكىزىلگەن ەكەن.
ايەلدىڭ دەنساۋلىعىن تەكسەرگەن اق حالاتتىلار الدىمەن كەسار تىلىگى ارقىلى بوساندىرىپ الدى. سودان سوڭ ەكىنشى بريگادا جاتىر موينىنىڭ قاتەرلى ىسىگىنە وتا جاسادى. وبلىستىق پەريناتالدىق ورتالىعىنىڭ انەستەزيولوگ-رەانيماتولوگى, اكۋشەر-گينەكولوگى مەن وبلىستىق ونكولوگيالىق ديسپانسەرىنىڭ ونكوگينەكولوگ ماماندارىنىڭ بىرلەسۋىمەن جاسالعان وتا ەكى ساعاتقا سوزىلىپتى.
–ايەل پەريناتالدىق ورتالىققا جۇكتىلىكتىڭ 37 اپتاسىندا ءتۇستى. پاتسيەنت سالماعى 2,630 كەلى بويى 49 سم قىز بالانى دۇنيەگە اكەلدى. نارەستە مەن اناسىنىڭ جاعدايى قاناعاتتانارلىق. وتادان كەيىنگى قارقىندى ەم قابىلداۋدا. ءسابي پاتالوگيالىق بولىمشەگە اۋىستىرىلدى, - دەيدى اتىراۋ وبلىستىق پەريناتالدىق ورتالىعى ديرەكتورىنىڭ مىندەتىن اتقارۋشىسى اسقار كەنجەعاليەۆ.
قازىر بۇل ورتالىقتىڭ ارنايى ازىرلەنگەن پروۆيزورلىق بولىمشەcىندە 8 جۇكتى ايەلگە مەديتسينالىق كومەك كورسەتىلۋدە.