13.05.2020 ج. مالىمەت بويىنشا COVID-19 ەكىباستۇز قالاسىنىڭ 1964 جىلى تۋعان تۇرعىنىنان انىقتالدى.
بۇل ازاماتتىڭ ايتۋىنشا, ول 4 مامىردان باستاپ اۋىرعان, دەنە قىزۋى 39 گرادۋسقا دەيىن كوتەرىلگەن, تاماعى اۋىرىپ, جالپى السىزدىك بايقالعان. ەر ازامات مەديتسينالىق كومەككە جۇگىنبەگەن, وزدىگىنەن ەمدەلگەن. وبلىس, قالادان تىس جەرلەرگە شىقپاعان, ۆيرۋستى جۇقتىرعان ادامدارمەن تىكەلەي بايلانىستا بولماعان. 7 مامىر كۇنى ناۋقاس تەلەفون ارقىلى №3 ەمحاناعا قوڭىراۋ شالىپ, قاشىقتان ۋچاسكەلىك دارىگەردەن كەڭەس العان. وسىلايشا ناۋقاسقا ەم تاعايىندالىپ, اۋرۋحاناعا جاتۋ ۇسىنىلدى. جەدەل مەديتسينالىق كومەك بريگاداسى بۇل ازاماتتى ەكىباستۇز قالالىق اۋرۋحاناسىنىڭ پروۆيزورلىق بولىمشەسىنە جەتكىزگەن. سونداي-اق ناۋقاس 10 جىلدان استام ۋاقىت كۇرەتامىر گيپەرتونياسىمەن ديسپانسەرلىك ەسەپتە تۇرعانى انىقتالدى. COVID-19 عا اناليز اۋرۋحاناعا تۇسكەن كەزدە الىندى, ناتيجەسى تەرىس. 10 مامىر كۇنى جاعدايى ناشارلاعان سوڭ پاتسيەنت ەكىباستۇز قالالىق اۋرۋحاناسىنىڭ جۇقپالى اۋرۋلار بولىمشەسىنىڭ جان ساقتاۋ بولىمىنە اۋىستىرىلدى, ءينۆازيۆتى ەمەس وكپە جەلدەتكىشىنە قوسىلدى, كەيىننەن وكپەنى جاساندى جەلدەتۋگە اۋىستىرىلدى. 11 مامىردا COVID-19 عا تالداۋ تەرىس ناتيجە كورسەتتى, ال 12 مامىردا بۇل ازاماتتىڭ ۆيرۋستى جۇقتىرعانىن كورسەتتى. ناۋقاسپەن بايلانىستا بولۋى مۇمكىن ادامدار توبى انىقتالدى. ەپيدەمياعا قارسى شارالار قولعا الىنعان.بۇگىندە پاۆلودار وبلىسىندا كوروناۆيرۋس ينفەكتسياسىن جۇقتىرعان 155 ادام تىركەلگەن.