سينوپتيكتەر قازاقستان قالالارىنداعى 14 مامىر كۇنگى اۋا ساپاسى تۋرالى اقپاراتتى جاريالادى.
اتاپ ايتقاندا, اۋانىڭ لاستانۋىنىڭ قولايسىز مەتەورولوگيالىق جاعدايى ءتورت قالادا – اتىراۋ, بالقاش, تەمىرتاۋ جانە تالدىقورعان قالالارىندا كۇتىلەدى.
وزگە شاھارلاردا مەتەواحۋال قالىپتى بولادى. قولايسىز مەتەورولوگيالىق جاعدايلار – اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى, جەڭىل جەل, تۇمان, ينۆەرسيا) جيىنتىعى.
قمج جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.