جاڭا تسيفرلىق جوبالار پاندەردى جاقسى تۇسىنۋگە جانە وقۋشىلاردىڭ ءبىلىم جۇيەسىنە دەگەن قىزىعۋشىلىعىن ارتتىرۋعا كومەكتەسەدى, دەپ حابارلادى ەلوردا اكىمدىگىنىڭ ءباسپاسوز قىزمەتى.
وقۋ ورىندارىندا ءبىلىم الۋشىلاردىڭ تسيفرلىق ساۋاتتىلىعىن ارتتىرۋ ماقساتىندا «Okoo ونلاين-پلاتفورماسى», «تسيفرلىق وقۋلىقتار» جانە «تسيفرلىق مەكتەپ» پيلوتتىق جوبالارى جۇزەگە اسۋدا.
Okoo ونلاين ءبىلىم بەرۋ پلاتفورماسى – «ينفورماتيكا» ءپانىن وقىتۋعا ارنالعان جاساندى ينتەللەكت الگوريتمدەرى. ۆيرتۋالدى وقىتۋشىسى بار, باعدارلامالاۋدى ۇيرەتىپ, بارلىق ادامعا دەربەس مۇمكىندىك بەرەتىن پلاتفورما تاۋلىك بويى الەمنىڭ كەز كەلگەن نۇكتەسىندە قولجەتىمدى. بىرىكتىرىلگەن رەيتينگ جۇيەسى ارقىلى وقۋشىلاردىڭ رەيتينگىن وبەكتيۆتى تۇردە انىقتاۋعا بولادى. جوبا قالانىڭ 13 مەكتەبىندە جۇزەگە اسۋدا. Okoo پلاتفورماسى 7–10 سىنىپ وقۋشىلارىنا Python تىلىندە باعدارلامالاۋدى ۇيرەنۋگە كومەكتەسەدى. بۇگىنگى تاڭدا پلاتفورماعا 6015 وقۋشى تىركەلگەن. «Okoo: ونلاين باعدارلامالاۋ مەكتەبى» جوباسى اياسىندا قالانىڭ 13 مەكتەبىنەن 86 ينفورماتيكا مۇعالىمى وقىتىلدى. ترەنينگكە ءۇش ءبىلىم بەرۋ كۋرسى كىرەدى: «Python تىلىندە باعدارلامالاۋعا كىرىسپە», «گرافيكالىق ديزاين», «IT ستارتاپ كۋرسى».
«تسيفرلىق وقۋلىقتار» پيلوتتىق جوباسىنا ءتورت مەكتەپ قاتىسادى. بۇل جوبادا وقۋلىقتاردىڭ ساندىق نۇسقاسى opiq.kz سايتىنا ەنگىزىلىپ, «الماتىكىتاپ» باسپاسىمەن, ەستونيالىق اvita باسپاسىمەن جانە Star Cloud IT-كومپانياسىمەن (قر بعم جوباسى) بىرلەسىپ ازىرلەنگەن.
جوبانىڭ ماقساتى – ەلەكتروندى ءبىلىم بەرۋ كونتەنتى مەن زاماناۋي پەداگوگيكالىق تەحنولوگيالار ەسەبىنەن ءبىلىم بەرۋ ۇدەرىسىندە ەلەكتروندى وقۋلىقتاردى ءتيىمدى پايدالانۋ جانە وقۋشىلاردى وقىتۋ ساپاسىن باسقارۋ جۇيەسىن قۇرۋ. مەكتەپتىڭ اقپاراتتىق-ءبىلىم بەرۋ سالاسىنا ەلەكتروندى وقۋلىقتاردى ەنگىزۋ ەلەكتروندى ءبىلىم بەرۋ رەسۋرستارىن پايدالانۋ ساپاسىن ارتتىرۋعا مۇمكىندىك بەرەدى. سونىمەن قاتار, وقۋشىلار تەك تىڭداپ عانا قويماي, بەرىلگەن تاپسىرمالاردى كورىپ, ەستە ساقتاۋ جانە ورىنداۋ ارقىلى ءبىلىم ساپاسىن كوتەرۋى ءتيىس.
بۇل باعدارلاما وقىتۋ ۇردىسىندە جاڭاشىلدىق سانالادى. ۆيزۋاليزاتسيا ارقىلى ساباقتار قىزىقتى, وزەكتى, زاماناۋي بولا ءتۇستى. «تسيفرلىق مەكتەپ» جوباسىنا توعىز مەكتەپ قاتىسادى. «Google-سىنىپ» جوباسى مۇعالىمدەرگە اكت قولدانۋدىڭ قازىرگى زامانعى ادىستەمەلەرىن ۇيرەتىپ, Google قوسىمشالارىن ساباق جوسپارلاۋ پروتسەسىندە ينتەگراتسيالاۋعا كومەكتەسەدى,. سونداي-اق G Suite بىرلەسكەن ادىستەمەلىك جۇمىسىنا, قاعازسىز قۇجات اينالىمىنا, ءبىلىم بەرۋگە ارنالعان G Suite قوسىمشالارى پاكەتىمەن جۇمىس ىستەۋدىڭ پراكتيكالىق داعدىلارىن مەڭگەرۋگە ۇيرەتەدى. قازىرگى ۋاقىتتا جوباعا 1112 مۇعالىم مەن 1375 وقۋشى قوسىلعان.
بۇدان باسقا, «ە-پورتفوليو» يننوۆاتسيالىق ەلەكتروندى پلاتفورماسى جۇمىس ىستەيدى. وعان قالانىڭ ءبىلىم بەرۋ ۇيىمدارىنىڭ بارلىق پەداگوگتارىنىڭ مالىمەتى ەنگەن. بۇل بازا مۇعالىمدەردى قاعازباستىلىقتان ارىلتۋعا, اتتەستاتتاۋدىڭ جاڭا فورماتىنا سايكەس, پەداگوگتاردى اتتەستاتتاۋدىڭ ەكىنشى كەزەڭىن (جەتىستىكتەر ساراپتاماسى) ساپالى جانە اشىق وتكىزۋگە مۇمكىندىك بەرەدى. جۇيە پورتفوليونى قولمەن تولتىرۋدان باس تارتۋعا جانە جەتىستىكتەردى اۆتوماتتى تۇردە بەكىتۋگە كوشۋگە جاعداي جاسايدى. جاڭا پلاتفورما ۇستازداردى قاعاز تولتىرۋدان بوساتىپ, ءوز قىزمەتىمەن الاڭسىز اينالىسۋعا مۇمكىندىك بەرەدى.