كەشە پرەمەر-ءمينيستردىڭ ورىنباسارى ەرالى توعجانوۆتىڭ توراعالىعىمەن وتكەن كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسىندا ەكونوميكا سالالارىن قالپىنا كەلتىرۋگە جانە حالىقتى جۇمىسپەن قامتۋعا باعىتتالعان بىرقاتار ناقتى شەشىم قابىلداندى.
2020 جىلعى 13 مامىردان باستاپ شىمكەنت, اقتاۋ, ورال, جەزقازعان, بالقاش, ءۇرجار, زايسان قالالارىنا اۋە رەيستەرى اشىلادى.
2020 جىلعى 18 مامىردان باستاپ:
– قوناق ۇيلەرگە;
– سىيىمدىلىعى 30 ادامدىق ورىنعا دەيىنگى قوعامدىق تاماقتانۋ وبەكتىلەرىنە;
– تازا اۋادا قىزمەت كورسەتەتىن قوعامدىق تاماقتانۋ وبەكتىلەرىنىڭ جازعى الاڭدارىنا سانيتارلىق تالاپتارعا ساي جۇمىس ىستەۋگە رۇقسات بەرىلەدى.
سونىمەن قاتار 18 مامىردان باستاپ جالپى عيمارات كولەمىنىڭ 30 پايىزىن عانا تولتىرىپ, سانيتارلىق نورمالاردى ساقتاي وتىرىپ, ءدىني عيبادات نىساندارى جۇمىسقا كىرىسەدى.
2020 جىلعى 1 ماۋسىمنان باستاپ مەملەكەتتىك باس سانيتارلىق دارىگەردىڭ تالاپتارى ەسكەرىلە وتىرىپ, كەزەڭ-كەزەڭمەن ىشكى تەمىر جول قاتىناسىن جانداندىرۋ جوسپارلانىپ وتىر. بيلەتتەر 2020 جىلعى 15 مامىردان باستاپ ساتىلا باستايدى.
سونىمەن قاتار شەتەلدەگى قازاقستان ازاماتتارىن ەلگە قايتارۋ ماسەلەلەرى قارالدى.
وتىرىس قورىتىندىسى بويىنشا ە.توعجانوۆ بىرنەشە ناقتى تاپسىرما بەردى, دەپ حابارلادى ۇكىمەت باسشىسىنىڭ ءباسپاسوز قىزمەتى.