وزبەكستان مەملەكەتتىڭ بانك سەكتورىنان شىعۋىن جەدەلدەتەدى

قۇجاتتا بانك سەكتورىن رەفورمالاۋدىڭ جول كارتاسى ماقۇلداندى.

بۇل بانكتىك جۇيەدە مەملەكەتتىڭ ۇلەسىن 2025 جىلعا قاراي قازىرگى 85%-دان 40%-عا دەيىن تومەندەتەدى.  

جەكە سەكتور الدىنداعى بانك مىندەتتەمەلەرىنىڭ ۇلەسىن 2025 جىلدىڭ سوڭىنا قاراي قازىرگى 28%-دان 70%-عا دەيىن ارتتىرۋ جوسپاردا بار.

2025 جىلعا قاراي مەملەكەت ۇلەسى بار ءۇش بانكتىڭ كاپيتالىنا كەم دەگەندە ءۇش ستراتەگيالىق شەتەلدىك ينۆەستوردى تارتۋ جوسپارلانۋدا, سونىمەن قاتار بانكتىك ەمەس نەسيە ۇيىمدارىنىڭ نەسيەلەۋدىڭ جالپى كولەمىندەگى ۇلەسىن قازىرگى 0,35%-دان 4%-عا دەيىن  كوبەيەدى.

تاياۋ جىلدارى مەملەكەت «يپوتەكا بانكى», «O'zپرومسترويبانك», «اساكا», «الوكابانك», «تۇرعىن ءۇي قۇرىلىس بانكى» جانە «تۋرونبانك» اكتسيالارىنىڭ بىرتىندەپ ساتىلۋىن جوسپارلاپ وتىر.

 بۇعان دەيىن حالىقارالىق كونسۋلتانتتاردىڭ كومەگىمەن ولاردىڭ تيىمدىلىگىن ارتتىرۋ جوسپارلانۋدا. بۇل ءۇشىن قارجى مينيسترلىگىندە كوممەرتسيالىق بانكتەردى مەملەكەت اكتسيالارىنان ترانسفورماتسيالاۋ جانە جەكەشەلەندىرۋ بويىنشا جوبالىق بيۋرو قۇرىلادى.

مەملەكەت ءوز ۇلەسىن ءۇش بانكتە ساقتاۋعا شەشىم قابىلدادى: سىرتقى ەكونوميكالىق ىستەر جونىندەگى ۇلتتىق بانك, اگروبانك جانە ميكروكرەديت بانكى.

وزبەكستان رەسپۋبليكاسىنىڭ قارجى مينيسترلىگىنە حالىقارالىق ۆاليۋتا قورى مەن دۇنيەجۇزىلىك بانكتىڭ FSAP باعدارلاماسى بويىنشا قارجى سەكتورىنىڭ جاعدايىن 2024 جىلدان كەشىكتىرمەي باعالاۋ تاپسىرىلدى.

سونىمەن بىرگە, مەملەكەتتىك ورگانداردىڭ باسشىلارىنا بانكتەردىڭ قىزمەتىنە, ونىڭ ىشىندە بيزنەس-تاۋەكەلدەردى باسقارۋعا ارالاسۋعا تىيىم سالىنادى. ەستەرىڭىزگە سالا كەتەيىك, بۇگىندە وزبەكستاندا 31 كوممەرتسيالىق بانك جۇمىس ىستەيدى, ونىڭ ىشىندە 13 بانكتە مەملەكەت اكتسيالارى بار (5-تەن 51%-دان جوعارى). سونىمەن بىرگە, ءۇش ءىرى مەملەكەتتىك بانك - وزبەكستاننىڭ سىرتقى ەكونوميكالىق بايلانىستاردىڭ ۇلتتىق بانكى, «ۋزپرومسترويبانك» جانە «اساكا بانك» جيىنتىق اكتيۆتەردىڭ 55% قۇرايدى.