ICCA رەيتينگتەرى حالىقارالىق قاۋىمداستىقتاردىڭ كونگرەسس جانە كورمە سەكتورى ءۇشىن حالىقارالىق كەزدەسۋلەر ارەناسىندا باعىتتاردىڭ قانشالىقتى جاقسى جۇمىس ىستەيتىندىگىن ولشەۋگە مۇمكىندىك بەرەتىن ەڭ اۋقىمدى جاھاندىق باعدار بولىپ سانالادى, دەپ حابارلايدى ەلوردا اكىمدىگىنىڭ رەسمي سايتى.
بۇگىن ICCA حالىقارالىق كونگرەسى مەن كونفەرەنتسياسى قاۋىمداستىعى 2019 جىلعى ەسەبىن جاريالادى. 2018 جىلى 335 ورىن العان نۇر-سۇلتان قالاسى 2019 جىلى الەمدىك رەيتينگتە 221 ورىنعا كوتەرىلدى. وتكەن جىلى قازاقستان استاناسىندا رەسمي 12 حالىقارالىق بيزنەس-شارا وتكەنى قۇجات بويىنشا راستالعان. وتكىزىلگەن ءىس-شارالاردىڭ سانى بويىنشا نۇر-سۇلتان كيەۆ, قازان جانە ەرەۆاننان وزىپ, تبيليسي, باكۋ جانە بونن قالالارىمەن تەڭەستى.
«بۇل نۇر-سۇلتان ءۇشىن اسەرلى جەتىستىك, ءبىزدىڭ قالامىزدىڭ الەمدىك رەيتينگتە ايتارلىقتاي جوعارىلاعانىنا وتە قۋانىشتىمىز. البەتتە, مۇنداي قادام نۇر-سۇلتان قالاسى جانە تۇتاستاي قازاقستانعا بيزنەس-شارالار وتكىزىلەتىن ورىن رەتىنە قىزىعۋشىلىقتىڭ جوعارلاۋنىڭ دالەلى. مۇنىڭ ءبارى «استانا كونۆەنشن بيۋرو» مەن ونىڭ سەرىكتەستەرى جانە جەرگىلىكتى كاسىبي قوعامداستىقپەن بىرلەسىپ, جاڭا باستامالارى مەن ماقساتقا باعىتتالعان جۇمىسىنىڭ ناتيجەسى. ءبىزدىڭ بىرلەسكەن جۇمىسىمىز نارىقتىڭ دامۋىنا, سايكەسىنشە ناتيجەنى جاقسارتۋعا مۇمكىندىك بەردى», - دەدى «استانا كونۆەنشن بيۋرو» جشس ديرەكتورىنىڭ ورىنباسارى حەلەنا ماحۋاس.
ICCA رەيتينگتەرى حالىقارالىق قاۋىمداستىقتاردىڭ كونگرەسس جانە كورمە سەكتورى ءۇشىن حالىقارالىق كەزدەسۋلەر ارەناسىندا باعىتتاردىڭ قانشالىقتى جاقسى جۇمىس ىستەيتىندىگىن ولشەۋگە مۇمكىندىك بەرەتىن ەڭ اۋقىمدى جاھاندىق باعدار بولىپ تابىلادى. 2019 جىلى بۇكىل الەمدە 13 مىڭنان استام كونگرەسس جانە كورمە ءىس-شارالارى ءوتتى. پاريج 237 ءىس-شارامەن ءبىرىنشى ورىن, ليسسابون - ەكىنشى, بەرلين - ءۇشىنشى ورىن الدى.
رەيتينگتە اقش كوش باستاپ تۇر: گەرمانيا ەكىنشى, فرانتسيا – ءۇشىنشى ورىندا. قازاقستان 2019 جىلى 79 ورىنعا كوتەرىلدى, بۇل تاعى ءبىر ماڭىزدى جەتىستىك. ICCA ستاتيستيكالىق ەسەپتەرى ICCA قاۋىمداستىعىنىڭ مالىمەتتەر بازاسىنا نەگىزدەلگەن, بۇل ساندار قاۋىمداستىقتىڭ قاتاڭ ىرىكتەۋ ولشەمدەرىنە سايكەس كەلەتىن حالىقارالىق قاۋىمداستىقتار ۇيىمداستىرعان جيىندار مەن ءىس-شارالاردى بىلدىرەدى. اتاپ ايتقاندا ول كەمىندە 50 ادام قاتىساتىنى راستالعان, كەزەكپەن ءۇش ەلدە وتەتىن تۇراقتى روتاتسيالىق ءىس-شارالار بولۋى ءتيىس.