ۇبت-عا وتىنىشتەر قابىلداۋ اياقتالدى

حالىق كوپ شوعىرلانعان جەرلەرگە بارۋدى بولدىرماۋ ماقساتىندا ۇلتتىق بىرىڭعاي تەستىلەۋگە وتىنىشتەردى قابىلداۋ 2020 جىلدىڭ 15 ءساۋىرى مەن 10 مامىر ارالىعىندا ونلاين جانە ءداستۇرلى تۇردە وتكىزىلدى.

ۇبت-عا قاتىسۋعا نيەت بىلدىرگەن ازاماتتاردىڭ سانى – 131 471 ادام, ونىڭ ىشىندە  111 017 ادام – بيىلعى وقۋ جىلىنىڭ مەكتەپ تۇلەكتەرى, 20 454 ادام – كوللەدج جانە وتكەن وقۋ جىلدارىنىڭ مەكتەپ تۇلەكتەرى.

ۇبت-عا قاتىسۋعا 100 مىڭنان استام ءوتىنىش ونلاين تۇردە بەرىلدى.

ودان بولەك قازاقستان رەسپۋبليكاسىنىڭ ازاماتى بولىپ تابىلمايتىن ۇلتى قازاق جانە شەتەلدەگى وقۋ ورنىن بىتىرگەن ادامدار ءۇشىن ۇبت-2020 قۇجاتتاردى قابىلداۋ 2020 جىلدىڭ 15 مامىرىنا دەيىن ۇزارتىلدى.