نۇر-سۇلتان اكىمدىگى ازىق-ت ۇلىك قاۋىپسىزدىگىن قامتاماسىز ەتۋ ءۇشىن شارالار قابىلداۋدا

اتاپ ايتقاندا, ءبىرىنشى قاجەتتىلىك تاۋارلارىن ساتىپ الۋ ءۇشىن وپەراتورلارعا جانە ساۋدا جەلىلەرىنە جەڭىلدىكتى قارىزدار بەرۋ بويىنشا «اينالىم تەتىگى» جوباسى ىسكە اسۋدا.

«اينالىم تەتىگى» شەڭبەرىندە كاسىپكەرلىك سۋبەكتىلەرىمەن كەلىسىم-شارتتارعا قول قويىلدى جانە كۇرىش, قاراقۇمىق جارماسى, كۇنباعىس مايى, كوكونىس (كارتوپ, ءسابىز, پياز, قىرىققابات), باكالەيا جانە ءسۇت ونىمدەرى سياقتى باعالاردىڭ ءوسۋى بايقالعان ءبىرىنشى قاجەتتىلىك تاۋارلارىن تىركەلگەن باعالار بويىنشا ساتىپ الۋ جانە ساتۋ ءۇشىن جەڭىلدىكتى قارىزدار ءبولىندى.

ونىمدەر Magnum Cash & Carry, Small, «استىقجان», «كەڭمارت», «ۆكۋسمارت», AQMOL ساۋدا جەلىلەرىندە, «شاپاعات», «ەۆرازيا», «ارتەم», «بيگ شانحاي» بازارلارىندا ساتىلادى.

سونىمەن قاتار, قالادا تۇراقتاندىرۋ قورى قالىپتاسقان. ءۇش جىل ىشىندە قورعا 12 مىڭ توننا ءونىم ساتىپ الىندى. قوردا 4 895,4 مىڭ توننا ازىق-ت ۇلىك بار. ەلوردانىڭ ازىق-ت ۇلىك بەلدەۋى ايماعىنا اقمولا وبلىسىنىڭ 17 اۋدانى جانە قاراعاندى وبلىسىنىڭ 4 اۋدانى كىرەدى.