پرەمەر-مينيستر اسقار مامين تسيفرلاندىرۋدى ەنگىزۋ ماسەلەلەرى جونىندەگى قر پرەزيدەنتى جانىنداعى كوميسسيا وتىرىسىن وتكىزدى. «Smart Bridge» جوباسىن جۇزەگە اسىرۋ, جەرگىلىكتى اتقارۋشى ورگاندار مەن جەر قاتىناستارىن تسيفرلاندىرۋ بارىسى قارالدى. بۇل تۋرالى primeminister.kz حابارلادى.
بارلىق اتالعان باعىتتار بويىنشا اتقارىلىپ جاتقان جۇمىستار تۋرالى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى ا. جۇماعاليەۆ, «اقىلدى قالا» تۇجىرىمداماسىن ىسكە اسىرۋ ماسەلەلەرى تۋرالى نۇر-سۇلتان ق. اكىمى ا. كولگىنوۆ, جەر قاتىناستارىن تسيفرلاندىرۋ تۋرالى اۋىل شارۋاشىلىعى ءمينيسترى س. وماروۆ جانە «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ءتورايىمى ءا. بالتاشەۆا باياندادى.
مەملەكەتتىك جانە جەكە سەكتورلاردىڭ اقپاراتتىق جۇيەلەرى ءۇشىن بىرىڭعاي ينتەگراتسيالانعان پلاتفورما قۇرۋ بويىنشا «Smart Bridge» جوباسى وسى جىلدىڭ قاڭتار ايىندا ىسكە اسىرىلا باستادى.
قازىرگى ۋاقىتتا 175 زاڭدى تۇلعا (35 مەملەكەتتىك ورگان, 12 ەكىنشى دەڭگەيلى بانك, 15 ۇلتتىق كومپانيا, 113 جەكە سەكتور وكىلى) اۆتوريزاتسيالاندى, 336 سەرۆيس جاريالاندى, قوسىلۋعا 290 ءوتىنىم جىبەرىلدى.
«Smart Bridge»-دە كوزدەلگەن مەملەكەتتىك ورگانداردىڭ اقپاراتتىق جۇيەلەرىنىڭ 166 ينتەگراتسياسىنىڭ 27-ءسى ىسكە اسىرىلدى, بيىلعى شىلدە ايىنا دەيىن 63-ءىن, وسى جىلدىڭ سوڭىنا دەيىن 76-سىن جۇزەگە اسىرۋ جوسپارلانعان. بۇگىندە مەملەكەتتىك قىزمەتتەردىڭ 80%-دان استامى اۆتوماتتاندىرىلدى, بيىلعى جىلدىڭ سوڭىنا دەيىن بۇل كورسەتكىشتى 90%-عا دەيىن جەتكىزۋ كوزدەلگەن.
وڭىرلەردە تسيفرلاندىرۋدىڭ بىركەلكىلىگىن قامتاماسىز ەتۋ ءۇشىن تىرشىلىك ارەكەتىنىڭ 11 سالاسىن قامتيتىن قر «اقىلدى» قالالارىنىڭ ەتالوندىق ستاندارتى جانداندىرىلدى. جاڭا تۇجىرىمداما بويىنشا بارلىق قىزمەتتەر مەن مەملەكەتتىك قىزمەتتەر «ەلەكتروندىق ۇكىمەت» پورتالىنىڭ ءبىر تەرەزەسىنە كوشىرىلۋى ءتيىس.
جەر قورى جانە جىلجىمايتىن م ۇلىك نىساندارى تۋرالى ۇلتتىق دەرەكتەر بازاسىن قۇرۋ اياسىندا «بىرىڭعاي مەملەكەتتىك جىلجىمايتىن م ۇلىك كاداسترى» اقپاراتتىق جۇيەسىن قۇرۋ بويىنشا جۇمىستار جۇرگىزىلۋدە.
ونىمەن قوسا, جەر ۋچاسكەلەرىن ۇسىنۋ راسىمدەرىن وڭتايلاندىرۋ جانە جەڭىلدەتۋ بويىنشا زاڭ جوباسى ازىرلەنۋدە, وندا جەر كودەكسى, ازاماتتىق كودەكس پەن بىرقاتار زاڭدارعا تۇزەتۋلەر ەنگىزۋ قاراستىرىلعان. تسيفرلىق تەحنولوگيالار نەگىزىندەگى جاڭا تاسىلدەر جەر قاتىناستارى سالاسىنداعى مەملەكەتتىك قىزمەتتەردى ەلەكتروندى فورماتقا اۋىستىرىپ, ولاردىڭ سانىن 15-تەن 7-گە دەيىن قىسقارتۋعا, جەر ۋچاسكەلەرىنە قۇقىق بەرۋدىڭ ناقتى مەرزىمىن 1 جىلدان 20 كۇنگە دەيىن ازايتۋعا, مەملەكەتتىك اكتى مەن جەر قۇرىلىسى جوباسىن, سونداي-اق جەر كوميسسياسىن الىپ تاستاۋعا مۇمكىندىك بەرەدى.
پرەمەر-مينيستر تۇرعىندار مەن بيزنەس ءۇشىن بارلىق مەملەكەتتىك قىزمەتتەر مەن سەرۆيستەردى ونلاين فورماتقا كوشىرۋ ماسەلەسىن پىسىقتاپ, بۇل جۇمىستاردى بيىل ءۇشىنشى توقساندا اياقتاۋدى, سونداي-اق ورتالىق جانە جەرگىلىكتى دەڭگەيلەردە كىرىكتىرۋ جۇمىستارىن ۋاقىتىلى ءارى ءتيىمدى ىسكە اسىرۋدى تاپسىردى.
«ازاماتتىڭ دەنساۋلىق پاسپورتى, ەڭبەك بيرجاسى, قوعامدىق كولىكتەگى تولەم جۇيەسى ءتارىزدى قولدانىستاعى ەلەكتروندى پلاتفورمالار مەن ەسەپتەۋىشتەرمەن قامتاماسىز ەتۋ وڭىرلەردە جاپپاي پايدالانىلۋى ءتيىس», — دەپ ا. مامين, وڭىرلەردىڭ اكىمدىكتەرىنە نۇر-سۇلتان جانە اقكول قالالارىنىڭ تاجىريبەسىنىڭ نەگىزىندە ەتالوندى ستاندارتتى ساپالى ەنگىزۋ بويىنشا قاجەتتى شارالاردى قابىلداۋدى تاپسىردى.
ۇكىمەت باسشىسى اۋىل شارۋاشىلىعى, تسيفرلىق دامۋ مينيسترلىكتەرى مەن اكىمدىكتەرگە ءۇشىنشى توقساننىڭ سوڭىنا دەيىن جەر زاڭناماسىنا قاجەتتى تۇزەتۋلەر جوباسىن پىسىقتاپ, ۇكىمەتتىڭ قاراۋىنا ەنگىزۋ تۋرالى تاپسىرما بەردى.
«بارلىعى جۇرتشىلىقتى تارتۋمەن ورتالىق جانە جەرگىلىكتى دەڭگەيلەردە جان-جاقتى پىسىقتالۋى ءتيىس», — دەدى ا. مامين.
مەملەكەت باسشىسىنىڭ ەلەكتروندى ۇكىمەت تۇجىرىمداماسىن قايتا قاراۋ جانە «تسيفرلىق قازاقستان» مەملەكەتتىك باعدارلاماسىن وزەكتىلەندىرۋ تۋرالى تاپسىرماسىن ورىنداۋ اياسىندا تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنە ەكى اپتا مەرزىم ىشىندە ۇكىمەتكە مەملەكەتتىك ورگاندارمەن جانە اكىمدىكتەرمەن كەلىسىلگەن تاسىلدەردى ەنگىزۋ تۋرالى تاپسىرما جۇكتەلدى.