قاراعاندى وبلىستىق توتەنشە جاعدايلار دەپارتامەنتىنىڭ قۇتقارۋشى توبى ماقتاارال اۋدانىنداعى اپاتتىق-قۇتقارۋ جۇمىستارىن قارقىندى جۇرگىزۋدە. بۇل تۋرالى ۆەدومستۆونىڭ ءباسپاسوز قىزمەتى حابارلادى.
قاراعاندىلىق قۇتقارۋشىلار اتالعان اۋداننىڭ فيردوۋسي جانە جەڭىس اۋىلدارىندا سۋدى سورۋ ارقىلى اعىزۋ جانە باعىتىن باسقا جاققا بۇرۋ جۇمىستارىمەن اينالىسۋدا. ولار ءتورت كۇننىڭ ىشىندە 15 ءۇيدىڭ ماڭىنداعى اۋماقتان 110 مىڭ تەكشە مەتردەن استام سۋدى سورىپ, توپىراقتى قۇرعاتقان.
قۇتقارۋشىلار تاۋلىك بويى ەكى اۋىسىممەن جۇمىس ىستەۋدە.
ەسكە سالار بولساق, قاراعاندىدا جاساقتالعان قۇتقارۋشى توپ 9 مامىرعا قاراعان ءتۇنى اۆاريالىق-قۇتقارۋ جانە كەزەك كۇتتىرمەيتىن جۇمىستاردى جۇرگىزۋگە كومەك كورسەتۋ ءۇشىن تۇركىستان وبلىسىنا جەتكەن بولاتىن. ولار سول كۇنى تاڭەرتەڭ ماقتاارال اۋدانىنىڭ فيردوۋسي اۋىلىندا سۋ اعىزۋ جۇمىستارىنا بىردەن كىرىسىپ كەتكەن ەكەن.