Jas Otan جاستار قاناتىنىڭ ۆولونتەرلەرى جالعىز باستى قارتتارعا, كوپبالالى جانە از قامتىلعان وتباسىلارعا, جەتىم بالالارعا, ارداگەرلەرگە, ەرەكشە قاجەتتىلىكتەرى بار ازاماتتارعا اتاۋلى كومەك كورسەتۋدى جالعاستىرۋدا.
اتالعان اكتسيانىڭ ەكىنشى كەزەڭىندە ۆولونتەرلەر قاتارىنا قازاقستاندىق انشىلەر, تەلەجۇرگىزۋشىلەر, اكتەرلەر جانە ت.ب. ونەر قايراتكەرلەرى قوسىلدى. نۇر-سۇلتان قالاسىنداعى ۆولونتەرلەرگە تۇرسىنبەك قاباتوۆ, جەڭىس سەيدوللا ۇلى, مارجان اراپباەۆا جانە ءادىل احمەتوۆ كومەكتەستى.
«مەن وسى جەردە كەلىپ, اتالعان ناۋقانعا ۆولونتەر رەتىندە قاتىسىپ جاتقانىما قۋانىشتىمىن. مۇنداي قيىن كەزەڭدە جاستاردىڭ حالىققا ۇلكەن جاۋاپكەرشىلىكپەن كومەكتەسىپ جاتقانى قۋانتادى. وسى پاندەميا تەزىرەك اياقتالعانىن قالايمىز, بەيبىت تىرشىلىگىمىزگە ورالساق دەيمىز. قاشاندا اسپانىمىز اشىق بولىپ, ەلىمىزدىڭ تىنىشتىعى بۇزىلماسىن دەپ تىلەيمىن. ازاماتتاردى توتەنشە جاعداي ەرەجەلەرىن ساقتاۋعا شاقىرامىن», دەدى تۇرسىنبەك قاباتوۆ.
بۇگىنگە دەيىن جاسوتاندىقتار رەسپۋبليكا بويىنشا 65 مىڭنان استام وتباسىن الەۋمەتتىك سەبەتتەرمەن قامتاماسىز ەتتى. ۆولونتەرلەر ۇلەستىرەتىن ءار قوراپتا 30 كيلودان استام ازىق-ت ۇلىك بار. وعان ءبىرىنشى قاجەتتىلىكتەگى ازىق-ت ۇلىك ونىمدەرى, جارما, ماكارون, كۇنباعىس مايى جانە شاي سەكىلدى تاۋارلار كىرەدى. سونداي-اق ازىق-ت ۇلىكپەن بىرگە ءار وتباسىنا 50 بەتپەردە تابىستالادى. بۇل جۇمىسقا 3000-نان استام Jas Otannyń ۆولونتەرى جۇمىلدىرىلدى.
تۇڭعىش پرەزيدەنت – ەلباسى, Nur Otan پارتياسىنىڭ كوشباسشىسى نۇرسۇلتان نازارباەۆتىڭ تاپسىرماسى بويىنشا قۇرىلعان «Birgemiz» قورى بۇگىنگى تاڭدا 152 000 از قامتىلعان وتباسىنا 50 000 تەڭگەدەن قارجىلاي كومەك كورسەتتى.
سونداي-اق قور نۇر-سۇلتان جانە الماتى قالالارىنىڭ 2000-نان استام دارىگەرىنە 50 000 تەڭگە كولەمىندە اقشالاي قولداۋ كورسەتتى.