اكىمدىككە قاراستى ۇيىمداردىڭ باسشىلىق قۇرامى قىسقارتىلدى. بىرقاتار كاسىپورىنداردىڭ جۇمىسى توقتاتىلىپ, سەنىمدى باسقارۋعا بەرىلدى. مادەني-بۇقارالىق ءىس-شارالاردىڭ سانى قىسقارتىلدى, دەپ حابارلادى قالا اكىمدىگىنىڭ ءباسپاسوز قىزمەتى.
ناتيجەسىندە بيۋدجەتتى وڭتايلاندىرۋدىڭ جالپى سوماسى 32 ملرد تەڭگەدەن استى.
«مەملەكەت باسشىسى قاسىم-جومارت كەمەل ۇلى توقاەۆتىڭ تاپسىرماسىنا سايكەس مەملەكەتتىك جانە كۆازيگوسەكتوردىڭ ءونىمسىز شىعىستارىن قىسقارتۋ بويىنشا جۇمىس جۇرگىزىلدى. وڭتايلاندىرۋ ەسەبىنەن ۇنەمدەلگەن قاراجات الەۋمەتتىك سالاعا باعىتتالدى. ەكونوميكانىڭ ناقتى سەكتورى مەن ينفراقۇرىلىمدى قولداۋعا 14,5 ملرد تەڭگە ءبولىندى. 3,6 ملرد تەڭگە ءبىلىم بەرۋ, دەنساۋلىق ساقتاۋ سالالارى مەن الەۋمەتتىك كومەك كورسەتۋگە باعىتتالدى. 3 ملرد. تەڭگەدەن استام قاراجات الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن ۇستاپ تۇرۋ ءۇشىن كرەديتتەر بويىنشا پايىزدىق مولشەرلەمەنى سۋبسيديالاۋ ءۇشىن بەرىلەدى. بۇل ءوز كەزەگىندە شاعىن جانە ورتا بيزنەستى قولداۋعا سەپتىگىن تيگىزەدى. بيزنەس-ۇدەرىستەردى وڭتايلاندىرىپ, ولاردىڭ تيىمدىلىگىن ارتتىرۋ, وسى باعىتتاعى جۇمىستى قايتا ۇيىمداستىرۋ ناتيجەسىندە 32 ملرد. تەڭگەدەن استام قاراجات ۇنەمدەلدى. «اتقارىلعان جۇمىستاردىڭ ناتيجەسىندە ۇنەمدەلگەن قاراجات ناقتى الەۋمەتتىك ماسەلەلەردى شەشۋگە, قالانىڭ ينفراقۇرىلىمىن دامىتۋعا, شاعىن جانە ورتا بيزنەستى قولداۋعا, جۇمىسپەن قامتۋ ماسەلەلەرىنە جانە باسقا دا ماڭىزدى سالالارعا باعىتتالدى» دەدى قالا اكىمى التاي كولگىنوۆ ونلاين-كەڭەستە.
«استاناەنەرگوسەرۆيس» اكتسيونەرلىك قوعامدىعىن قايتا ۇيىمداستىرۋ جۇرگىزىلدى. جىلىنا 1 ملرد.تەڭگەدەن استام قاراجات ۇنەمدەلەدى. بۇل قاراجات قىسقى كوممۋنالدىق تەحنيكانى ساتىپ الۋعا باعىتتالدى. بيىل باسشىلىق قۇرامدى قىسقارتۋ ەسەبىنەن قايتالاناتىن فۋنكتسيالارى بار 17 زاڭدى تۇلعا وڭتايلاندىرىلادى.
سونىمەن بىرگە اكىمدىك «استانا ينۆەست» جشس, «استانا كونۆەنشن بيۋرو» جشس, «استانا ەنەرگوسبىتوۆايا كومپانيا» جشس مەن «استانا كالالىق جارىق» جشس بىرىكتىرۋ تۋرالى شەشىم قابىلدادى. سونىمەن قاتار «استانا لرت» جشس, «№1 اۆتوبۋس پاركى» اق, «جەزكيك» اق كولىك كومپانيالارىن بىرىكتىرۋ جوسپارلانىپ وتىر. جىل سايىن بۇل كومپانيالاردى ۇستاپ-كۇتۋ شامامەن 700 ملن تەڭگەنى قۇرادى. عيماراتتاردى جالداۋعا كەتەتىن شىعىنداردى, باسقا دا اكىمشىلىك شىعىستاردى قىسقارتۋ جەرگىلىكتى بيۋدجەتتى 1 ملرد.تەڭگەگە دەيىن ۇنەمدەۋگە مۇمكىندىك بەرەدى.
سونداي-اق, تەننيس ورتالىعى, وزەن كەمە قاتىناسىنىڭ مۇلكى (قايىق) سياقتى شىعىنى كوپ وبەكتىلەردى سەنىمدى باسقارۋعا بەرۋ جۇمىستارى جۇرگىزىلدى. بۇعان دەيىن ولاردى كۇتىپ-ۇستاۋعا جىل سايىن 500 ملن تەڭگە قاراجات جۇمسالاتىن. وبەكتىلەردى سەنىمدى باسقارۋعا بەرۋ بيۋدجەت شىعىندارىن 3 ملرد تەڭگەگە (7 جىلدان 10 جىلعا دەيىن) ازايتۋعا مۇمكىندىك بەردى. قالانىڭ بىرقاتار سپورت عيماراتتارى دا سەنىمدى باسقارۋعا بەرىلەدى. وسىلايشا, سەنىمدى باسقارۋ 10-15 جىل ىشىندە جەرگىلىكتى بيۋدجەت قاراجاتىن 23 ملرد.تەڭگەگە (ياعني ءار جىل سايىن 1,5 ملرد. تەڭگەگە دەيىن ۇنەمدەيدى) دەيىن ۇنەمدەۋگە مۇمكىندىك بەرەدى.