تاۋەلسىز مەملەكەتتەر دوستاستىعى سىرتقى ىستەر مينيسترلەرىنىڭ بەينەكونفەرەنتسيا فورماتىندا كەڭەسىنىڭ كەزەكتى وتىرىسى ءوتتى. بۇل ءىس-شاراعا قازاقستاننىڭ سىرتقى ىستەر ءمينيسترى مۇحتار تىلەۋبەردى قاتىستى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.
ءىس-شارا بارىسىندا تمد-عا قاتىسۋشى-مەملەكەتتەردىڭ سىرتقى ساياسي ۆەدومستۆولارىنىڭ باسشىلارى حالىقارالىق جانە وڭىرلىك كۇن تارتىبىندەگى كەڭ اۋقىمدى ماسەلەلەردى تالقىلادى. COVID-19 كوروناۆيرۋسىنىڭ تارالۋ سالدارىنا قارسى ارەكەت ەتۋ ماسەلەلەرىنە ەرەكشە نازار اۋداردى.
تاراپتار قاتىسۋشى-مەملەكەتتەردىڭ قاۋىپسىزدىك پەن گۋمانيتارلىق ىنتىماقتاستىق سالاسىنداعى ءوزارا ءىس-قيمىلىن ودان ءارى نىعايتۋعا ىقپال ەتەتىن بىرقاتار ماڭىزدى شەشىمدەردى كەلىستى. وتىرىس قورىتىندىسى بويىنشا 2020 جىلعا تمد شەڭبەرىندە كوپ دەڭگەيلى ءسىم-ارالىق كونسۋلتاتسيالار جوسپارى بەكىتىلدى.
سونداي-اق تمد-عا قاتىسۋشى-مەملەكەتتەردىڭ قورعانىس, قاۋىپسىزدىك, مادەنيەت, سپورت, ءبىلىم جانە جاستار ىنتىماقتاستىعى سالاسىنداعى حالىقارالىق شارتتار مەن شەشىمدەردىڭ جوبالارى ماقۇلداندى.