نۇر-سۇلتان قالاسىنىڭ باس سانيتارلىق دارىگەرى جاننا پىراليەۆا ەلوردادا شەكتەۋ شارالارى مەن كارانتين رەجيمىن ءالى دە ساقتاۋ قاجەت ەكەنىن ايتتى.
«بۇل جەڭىلدىكتەر كۆي سىرقاتتانۋشىلىعىنىڭ ءوسۋى 7 كۇن ىشىندە 7%-دان اسپايتىن دەڭگەيگە جەتكەن جاعدايدا ەنگىزىلۋى مۇمكىن ەكەنىنە نازار اۋدارعىم كەلەدى. بۇل ءبىرىنشى كەزەڭ. كەلەسى 2 كەزەڭ COVID-19 سىرقاتتانۋشىلىعىنىڭ ءوسۋى 7 كۇن ىشىندە 5%-دان ارتىق ەمەس جانە ودان ءارى 2%-دان ارتىق ەمەس دەڭگەيگە جەتكەن جاعدايدا دايەكتى تۇردە كوزدەلگەن», – دەپ اتاپ ءوتتى ج. پىراليەۆا.
ونىڭ ايتۋىنشا, بۇل رەتتە, ويىن-ساۋىق, سپورتتىق جانە باسقا دا بۇقارالىق ءىس-شارالاردى, سونداي-اق وتباسىلىق, ەستەلىك جانە ادەت-عۇرىپ شارالارىن وتكىزۋگە, ساۋدا جانە ويىن-ساۋىق ورتالىقتارىنىڭ, كينوتەاترلاردىڭ, تەاترلاردىڭ, كورمەلەردىڭ جانە ادامدار كوپ جينالاتىن باسقا دا نىسانداردىڭ, ءدىني نىسانداردىڭ قىزمەتىنە تىيىم سالىنعان.
«نۇر-سۇلتانعا جۇمىسقا كەلۋ تارتىبىنە جەكە توقتالعىمىز كەلەدى. تسەلينوگراد, ارشالى جانە شورتاندى اۋداندارىنىڭ, اقمولا وبلىسىنىڭ تۇرعىندارى ءۇشىن كارانتين ايماعىنا كىرۋگە نۇر-سۇلتان قالاسىنىڭ ۇيىمدارىنىڭ جۇمىس ورنىنان انىقتاما جانە اتالعان اۋداندار مەن ەلدى-مەكەندەردە تۇرعىلىقتى تىركەلگەنى تۋرالى مالىمەتتەردى كورسەتكەن جاعدايدا عانا رۇقسات ەتىلەدى. قالعان ازاماتتارعا كىرۋگە رۇقسات نۇر-سۇلتان قالاسىندا تىركەۋدە تۇرعانى تۋرالى جانە جۇمىس ورنىنان انىقتاماسى بولعان جاعدايدا بەرىلەدى. بۇدان باسقا شەكتەۋ شارالارى مەن كارانتيننىڭ ساقتالۋىن باقىلاۋ قالاي جۇزەگە اسىرىلاتىنى تۋرالى بارلىعىن حاباردار ەتەمىز. ەستەرىڭىزدە بولسىن, تج رەجيمى الىنىپ تاستالعانىمەن, كارانتين قالدى», – دەدى ج.پىراليەۆا.