بۇگىن مەگاپوليستە كوروناۆيرۋستىق ينفەكتسيانى جۇقتىرۋدىڭ 26 جاعدايى انىقتالدى. قازىرگى ۋاقىتتا الماتىدا جالپى Covid-19 جۇقتىرعانداردىڭ سانى 1622-گە جەتتى.
اتالعان جاعدايلاردىڭ بارلىعى پروۆيزورلىق گوسپيتالداردا كارانتيندە بولعان ادامداردان انىقتالدى. بۇعان دەيىن ولار ۆيرۋس جۇقتىرعان ادامدارمەن بايلانىستا بولعان.
قازىرگى ۋاقىتتا الماتىدا كوروناۆيرۋس ىندەتى بويىنشا جاعداي تۇراقتالدى. سوڭعى كۇندەرى Covid-19 ۆيرۋسىنا وڭ ناتيجەلەر تەك كارانتيندەگى ادامداردان انىقتالدى. جاڭا جۇقتىرۋ وشاقتارى جوق.
ستاتسيونارلاردا كوروناۆيرۋستىق ينفەكتسيادان 1145 ادام, پروۆيزورلىق گوسپيتالداردا 404 ازامات ەمدەلۋدە, كارانتيندە – 329 ادام جانە ۇيدە وقشاۋلاۋدا 15 327 ازامات بار. ستاتسيونارلارداعى Covid-19 ۆيرۋسى بار 33 ەمدەلۋشىنىڭ جاي-كۇيى – اۋىر, 237 ادامدا – ورتاشا دەڭگەيدە جانە قالعان ناۋقاستاردا سيمپتومسىز جەڭىل تۇردە وتۋدە.
قازىرگى ۋاقىتتا الماتى قالاسىندا ءوجج اپپاراتىمەن ەمدەلىپ جاتقان ناۋقاستار دا, جاي-كۇيى اسا اۋىر دارەجەدەگى ناۋقاستار دا جوق. الماتىدا اتالعان ۆيرۋستان ەمدەلىپ جاتقان ادامداردىڭ باسىم كوپشىلىگىندە, دالىرەك ايتقاندا ناۋقاستاردىڭ 77%-ىندا بۇل سىرقات جەڭىل تۇردە ءوتىپ جاتقانىن, ياعني حالىقارالىق تاجىريبەگە سايكەس ولار ەمدەۋدى قاجەت ەتپەيتىندىگىن جانە ۆيرۋستى تىكەلەي تاسىمالداۋشى بولىپ تابىلاتىندىعىن ەستەرىڭىزگە سالامىز.
بۇل ەمدەلۋشىلەرگە قاتىستى, ەگەر ۇيدەگى كارانتينگە ولاردا ءتيىستى جاعدايلار جاسالعان بولسا, وندا ولاردى ءۇي كارانتينىنە جىبەرۋ ماسەلەلەرى قارالاتىن بولادى, ەگەر ءتيىستى جاعداي جاسالماعان بولسا, وندا كارانتيندىك ستاتسيونارلاردا بولادى. مىسالى, قازىرگى ۋاقىتتا الماتىدا اۋرۋى جەڭىل تۇردە ءجۇرىپ جاتقان 68 مەديتسينا قىزمەتكەرى ءۇي جاعدايىندا ءوزىن-ءوزى وقشاۋلاۋ جولىمەن ەمدەۋلەرىن اياقتاۋعا اۋرۋحانادان شىعارىلعان.
ۇيدە ەمدەۋ تولىق وقشاۋلاۋ جانە پاتسيەنتتىڭ جاي-كۇيى تۋرالى تۇراقتى ەسەپ بەرۋ جاعدايىندا ءوتۋى ءتيىس, كەز كەلگەن ءوزىن ناشار سەزىنگەن جاعدايدا دەرەۋ دارىگەردى شاقىرۋ قاجەت بولادى. ءتىپتى, ەگەر پاتسيەنت ۇيدە ەمدەلۋگە قالدىرىلسا دا, بۇل ونىڭ جاي-كۇيىن باقىلاۋدى توقتاتۋ دەگەندى بىلدىرمەيدى, ول قوڭىراۋ شالۋ ارقىلى ەمحانا قىزمەتكەرلەرىنىڭ كۇندەلىكتى باقىلاۋىندا بولادى. بۇدان باسقا, ولار ۇيدەن شىقپاۋعا مىندەتتەنەتىنى تۋرالى اقپاراتتاندىرىلعان كەلىسىمگە قول قويادى.
سيمپتومدارسىز تاسىمالداۋشىلاردا كوروناۆيرۋستىق ينفەكتسيا انىقتالعان جاعدايدا, پاتسيەنت كلينيكالىق تەكسەرۋلەردەن ءوتىپ, 3 كۇن بويى باقىلاۋدا بولادى جانە ەمدەۋگە جاتقىزىلادى, سودان كەيىن عانا ءۇي كارانتينىنە جىبەرىلەتىندىگىن ەسكەرۋ قاجەت. كەشە كوروناۆيرۋستىق ينفەكتسيادان ساۋىعىپ, 38 ادام ەمدەۋدەن شىعارىلدى.
جالپى مەگاپوليستە ەمدەلىپ, جازىلعانداردىڭ سانى 468 ادامعا جەتتى. جالپى ۆيرۋس جۇقتىرعاندار ىشىنەن ساۋىعىپ شىققان ەمدەلۋشىلەر سانى بۇگىنگى كۇنى 29,%-دى قۇرايدى, ال ءۇي كارانتينىنە شىعارىلعانداردى ەسەپكە العاندا 33%-دى قۇرايدى.