قانداي كاسىپكەرلەر سالىقتان بوساتىلادى؟

«توتەنشە جاعداي كەزىندە ۇكىمەت مەملەكەت باسشىسىنىڭ تاپسىرماسى بويىنشا شاعىن جانە ورتا بيزنەستى قولداۋ ءۇشىن جەدەل شارالار قابىلدادى. ولار بيزنەستىڭ قارجىلاندىرۋعا قولجەتىمدىلىگىن ارتتىرۋدى, قوسىمشا سالىقتىق ىنتالاندىرۋدى ىسكە اسىرۋدى, بيزنەستى تەكسەرۋلەردەن شەكتەۋدى كوزدەيدى. مەملەكەت باسشىسىنىڭ «ەكونوميكانى تۇراقتاندىرۋ جونىندەگى ودان ارعى شارالار تۋرالى» جارلىعىنا سايكەس بيزنەستى قولداۋ ءۇشىن بىرقاتار سالىقتىق شارا قابىلداندى», - دەدى ءمادي تاكيەۆ.

ۆيتسە-ءمينيستردىڭ ايتۋىنشا, سالىقتىق جەڭىلدىكتەر ساۋدادان باستاپ تۋريستىك بيزنەسكە دەيىن ەكونوميكانىڭ ءتۇرلى سەكتورلارىن قامتيدى.

«جىل سوڭىنا دەيىن ساۋدا-ويىن-ساۋىق ورتالىقتارى, كينوزالدار, تەاترلار, كورمەلەر مەن سپورت وبەكتىلەرى, قوعامدىق تاماقتانۋ, قوناق ءۇي جانە تۋريستىك قىزمەت سالالارىندا جۇمىس ىستەيتىن سالىق تولەۋشىلەر بويىنشا م ۇلىك سالىعىنان بوساتۋ بەلگىلەندى. سونداي-اق جەكە پراكتيكامەن اينالىساتىن تۇلعالار, نوتاريۋستەر, ادۆوكاتتار, سوت ورىنداۋشىلارى, مەدياتورلار وسى جىلدىڭ 1 قازانىنا دەيىن م ۇلىك سالىعىنان بوساتىلدى», دەدى ول.

سونداي-اق ۆيتسە-ءمينيستردىڭ مالىمەتىنشە, جالپىعا بىردەي بەلگىلەنگەن تارتىپپەن جۇمىس ىستەيتىن جەكە كاسىپكەرلەر جىلدىڭ سوڭىنا دەيىن جەكە تابىس سالىعىنان بوساتىلدى.

ء«ىرى قارا مال مەن اسىل تۇقىمدى بالاپانداردى قامتيتىن اگروونەركاسىپتىك كەشەندەگى بيولوگيالىق اكتيۆتەرىنىڭ يمپورتىنا قوسىلعان قۇن سالىعى سالىنبايدى. اۋىل شارۋاشىلىعى ونىمدەرىن وندىرۋشىلەر اۋىل شارۋاشىلىعى ماقساتىنداعى جەرلەر بويىنشا جەر سالىعىن تولەمەيدى. الەۋمەتتىك ماڭىزى بار ازىق-ت ۇلىك تاۋارلارى ءۇشىن قوسىلعان قۇن سالىعىنىڭ مولشەرلەمەسى 2020 جىلدىڭ 1 قازانىنا دەيىن 12 پايىزدان 8 پايىزعا دەيىن تومەندەتىلدى. ميكرو, شاعىن جانە ورتا بيزنەس سۋبەكتىلەرى 2020 جىلعى 1 ساۋىردەن باستاپ 1 قازانعا دەيىن 29 قىزمەت ءتۇرى بويىنشا ەڭبەكاقى تولەۋ قورىنان سالىق جانە باسقا دا مىندەتتى تولەمدەردەن بوساتىلدى. ەپيدەمياعا قارسى ءىس-شارالارعا تارتىلعان قىزمەتكەرلەرگە تولەنەتىن ۇستەماقى ەڭبەكاقى تولەۋ قورىنا سالىناتىن بارلىق سالىقتار مەن الەۋمەتتىك تولەمدەردەن بوساتىلدى», دەدى ول.