قالا تۇرعىندارى ءوز باعدارلارىن الدىن الا جوسپارلاۋى ءتيىس, دەپ حابارلايدى ەلوردا اكىمدىگىنىڭ رەسمي سايتى.
11-22 مامىر ارالىعىندا داۋىلپاز كوشەسىنەن ەلىم-اي كوشەسىنە دەيىنگى اۋماقتا جاۋىن-شاشىن كارىزىنىڭ ماگيستارلدىق كوللەكتورىنىڭ قۇرىلىسى جۇرگىزىلۋىنە بايلانىستى ب.مومىش ۇلى داڭعىلى بويىنداعى كولىك قوزعالىسى ا.توقپانوۆ كوشەسىنىڭ قيىلىسىنا دەيىن جابىق بولادى. جابىق اۋماقتى ايلانىپ ءوتۋ بويىنشا كولىك قوزعالىسى ۋاقىتشا سىزباعا سايكەس ۇيىمداستىرىلادى.
«نۇر-سۇلتان قالاسىنىڭ پوليتسيا دەپارتامەنتى جولداعى كولىك كەپتەلىسىن بولدىرماۋ ءۇشىن جۇرگىزۋشىلەردەن ءوز باعدارلارىن الدىن الا جوسپارلاۋىن سۇرايدى. جوندەۋ جۇرگىزىپ جاتقان اۋماقتارداعى قوزعالىس كەزىندە جول بەلگىلەرىن نەگىزگە الىپ, بەكىتىلگەن ۋاقىتشا سىزبا بويىنشا ءجۇرىپ, مۇقيات بولۋلارىن سۇرايمىز», - دەيدى پوليتسەيلەر.
ايتا كەتەيىك, اتالعان اۋماقتا ءجۇرۋ جىلدامدىعى ساعاتىنا 40 شاقىرىمعا دەيىن شەكتەلەدى.