بۇل كۇندەرى توتەنشە جاعداي مەن كارانتين رەجيمىن اجىراتا الماي جۇرگەندەر ءالى دە جەتكىلىكتى. سوندىقتان دا بىرتىندەپ ىسكە قوسىلاتىن كاسىپورىندار مەن الماتى وبلىسىنان الماتى قالاسىنا قاتىناپ ىستەيتىن شاھار ىرگەسىندەگى تۇرعىندار تاراپىنان سۇراق كوپ.
ال وسى ماسەلەگە وراي وتكەن بريفينگتە الماتى اكىمىنىڭ ورىنباسارى ساپاربەك تۇياقباەۆ ءمالىم ەتتى. مەگاپوليستە كارانتيندىك رەجيم ساقتالاتىنىن ايتتى. تيىسىنشە, بارلىق بلوك-بەكەتتەر جۇمىس ىستەيدى, ايماق بويىنشا قوزعالۋ شەكتەۋلى. سونىمەن قاتار, وبلىستان جۇمىس كۇشىن تارتۋعا رۇقسات ەتىلەدى.
«باستى شارت: قىزمەتى رۇقسات ەتىلگەن كاسىپورىندارعا عانا بەكەتتەر ارقىلى الماتىعا ءوز قىزمەتكەرلەرىن جۇمىسقا تارتۋعا رۇقسات ەتىلگەن. ولار قولدانىستاعى الگوريتم بويىنشا تىركەۋدەن ءوتۋى قاجەت», – دەپ تۇسىندىرەدى ساپاربەك تۇياقباەۆ.
سونداي-اق سپيكەر 12 مامىردان باستاپ InfoAlmaty.kz ۆەب-سايتى ارقىلى قىزمەتكەرلەردى تىركەۋگە وتىنىشتەر قابىلداناتىنىن جەتكىزدى.
«بۇرىنعىداي, بىزگە ولاردىڭ جسن جانە كولىك قۇرالدارىنىڭ مەملەكەتتىك نومىرلەرى قاجەت. تىركەۋ جانە ماقۇلداۋ العاننان كەيىن, بلوك-پوستاردا, جەكە كۋالىكتەردەگى شتريح-كودتار ارقىلى پوليتسەيلەر جول جۇرۋگە رۇقسات بەرەتىن بولادى. ءبىز كاسىپورىندارعا ءوز قىزمەتكەرلەرىنە ەكسپرەسس-تەست جانە پتر-تەست جاساۋعا كەڭەس بەرەمىز, سەبەبى بۇل ولاردىڭ مۇددەسى ءۇشىن. ويتكەنى, ولاردى جۇقتىرۋ انىقتالعان كەزدە بيزنەس جابىلاتىن بولادى», – دەدى ساپاربەك تۇياقباەۆ.
سونداي-اق, ول ستراتەگيالىق ماڭىزدى كاسىپورىنداردىڭ قىزمەتكەرلەرى اراسىندا ىرىكتەمەلى ەكسپرەسس-تەست جۇرگىزىلەتىنىن اتاپ ءوتتى.
سۇلۋلىق سالوندارىنىڭ قىزمەتىنە توقتالاتىن بولساق, اكىم ورىنباسارى اتاپ وتكەندەي, ولاردىڭ بارلىعى تەكسەرۋدەن ءوتۋى كەرەك.
«قالا بويىنشا بارلىعى 2 مىڭنان استام ادام بار. ءبىز اسىقپايمىز, بىزدە قىزمەتكەرلەر سانى جەتكىلىكتى, ءاربىر اۋداندا جۇمىس كوميسسيالارى جۇمىس ىستەيدى. ءبىز الدىمەن وتىنىمدەردى قابىلداپ, اۋديت جۇرگىزەمىز. كوميسسيا ولاردىڭ سايكەستىگىن تەكسەرگەندە جانە بارلىق نورمالار مەن بيزنەس پروتسەستەردى ماقۇلداعاندا, سودان كەيىن ولار سايتتا تىركەۋدەن ءوتىپ, ءوز قىزمەتكەرلەرىن قالا ماڭىنان جۇمىسقا تارتا الادى», – دەدى ساپاربەك تۇياقباەۆ.
الماتى