نۇر-سۇلتاندا ۆەلوماۋسىم قاشان باستالادى؟

بيىل جوبا ءۇش كەزەڭدە جۇزەگە اسىرىلادى. ماۋسىم ايىندا ۆەلوپروكات جەلىسى ءۇش ەسەگە ارتادى – جالپى سانى 155 پۋنكت ىسكە قوسىلىپ, ەلوردا تۇرعىندارى مەن قوناقتارىنا 700 ۆەلوسيپەد قولجەتىمدى بولادى.

جوبانىڭ ماقساتى – اۆتوكولىك پەن قوعامدىق كولىككە بالاما رەتىندە ەلوردا تۇرعىندارىنا قوزعالىس ءۇشىن قولجەتىمدى كولىك ۇسىنۋ.

ۆەلوبايكتەردى برەندتەۋدە نەگىزگى باسىمدىق تۇستەرگە بەرىلگەن. اشىق-جاسىل ءتۇس – City Transportation Systems كومپانياسىنىڭ برەندىن, كوگىلدىر ءتۇس – نۇر-سۇلتان جانە Astanabike لوگوتيپىنىڭ برەندىن كورسەتەدى. سونداي-اق ۆەلوسيپەدتەردە اشىق كوك, كوك شەڭبەرلەر مەن نۇكتەلەردى كورۋگە بولادى.

جالعا بەرۋ قىزمەتىن جۇيەگە تىركەلگەننەن كەيىن پايدالانۋعا بولادى. ول ءۇشىن www.velobike.kz سايتىنا كىرىپ, جاريا شارتتىڭ تالاپتارىمەن تانىسۋ جانە ءوزىنىڭ كەلىسىمىن راستاۋ قاجەت. قىزمەتتى 16 جاسقا تولعان تۇلعالار تۇتىنا الادى.

ۆەلوپروكاتقا ارنالعان ابونەمەنتتەردى www.velobike.kz سايتىندا جانە City Transportation Systems كاسسالارىندا 13 مامىردان باستاپ ساتىپ الۋعا بولادى. ۆەلوپروكات جۇيەسى 24/7 قول جەتىمدى. ۆەلوپروكاتقا تاريفتەر وزگەرىسسىز قالادى: ستاندارتتى ابونەمەنتتەر: ايلىق ابونەمەنت – 2 500 تەڭگە; توقساندىق ابونەمەنت – 6 000 تەڭگە; ماۋسىمدىق ابونەمەنت – 10 000 تەڭگە. جەڭىلدىكتى ابونەمەنتتەر: توقساندىق ابونەمەنت – 3 000 تەڭگە; ماۋسىمدىق ابونەمەنت – 5 000 تەڭگە.

توقساندىق جانە ماۋسىمدىق ابونەمەنتتەرگە راستايتىن قۇجاتتاردى ۇسىنعان كەزدە 50%-دىق جەڭىلدىك بەرىلەدى: - جاسىنا بايلانىستى زەينەتكەرلەر (زەينەتاقى كۋالىگى), - ستۋدەنتتەر (ستۋدەنتتىك بيلەت / وقۋ ورنىنان انىقتاما, كۇندىزگى وقۋ ءتۇرى), - III توپتاعى مۇگەدەكتەر (زەينەتاقى كۋالىگى/مۇگەدەكتىگى تۋرالى انىقتاما).

ستاندارتتى نەمەسە جەڭىلدىكتى ابونەمەنتتەردەن باسقا پايدالانۋشىنىڭ شوتىندا 500 تەڭگە بولۋى ءتيىس. ەگەر اقشا تاۋسىلسا – ۆەلوسيپەد ەكرانىندا «قاتە» شىعادى. 30 مينۋتقا دەيىن ۆەلوسيپەدتى شەكتەۋسىز پايدالانۋعا بولادى, ەڭ باستىسى – ستاندارتتى ابونەمەنت ساتىپ الۋ. 30 مينۋتتان ارتىق جول ءجۇرۋ قۇنى جالعا بەرۋ ۋاقىتىنا بايلانىستى تولەمنىڭ بولىگىن ەسكەرە وتىرىپ ەسەپتەلەدى: –30 مينۋتقا دەيىن – ابونەمەنت قۇنىنا قوسىلعان; - 31 مينۋتتان 60 مينۋتقا دەيىن – 100 تەڭگە; - 61 مينۋتتان 120 مينۋتقا دەيىن – 250 تەڭگە; - 121 مينۋتتان 180 مينۋتقا دەيىن – 500 تەڭگە; – 181 مينۋتتان سوڭ ءار ساعاتقا – 1 000 تەڭگە.

تاۋلىكتىك ابونەمەنتتەر: - 1 تاۋلىكتىك ابونەمەنت – 3 500 تەڭگە; - 3 تاۋلىكتىك ابونەمەنت – 9 000 تەڭگە; - 7 تاۋلىكتىك ابونەمەنت – 17 500 تەڭگە. تاۋلىكتىك ابونەمەنتتەر ەلوردا تۋريستەرى مەن شەتەلدىكتەرگە ارنالعان. تاۋلىكتىك ابونەمەنتكە قول جەتكىزۋ ءۇشىن www.velobike.kz سايتىنا تىركەلىپ, جەكە كابينەتتە بانكتىك كارتا ارقىلى ابونەنتتىك تولەم جانە دەپوزيتتىك كەپىل ەنگىزۋ قاجەت. كەپىل سوماسى 37 500 تەڭگەنى قۇرايدى. دەپوزيتتىك كەپىل – ۆەلوسيپەدتى بەكەتكە قايتارۋ كەپىلى. جالعا الۋ ۋاقىتى اياقتالعاننان كەيىن ناقتى جالعا الۋ سوماسى ەسەپتەن شىعارىلادى جانە بالانستى شەگەرۋدى ەسكەرە وتىرىپ, دەپوزيتتىك كەپىلدى ونلاين-قايتارۋ جۇزەگە اسىرىلادى. تۇرعىندار نۇر-سۇلتان اكىمدىگىنىڭ iKomek 109 بىرىڭعاي بايلانىس ورتالىعىنا قوڭىراۋ شالىپ, قالالىق ۆەلوپروكات قىزمەتى بويىنشا كەڭەس الا الادى.

ايتا كەتەيىك, ەلوردادا 2014 جىلى العاشقى 40 ستانتسيا مەن 200 ۆەلوسيپەد ورناتىلدى. City Transportation Systems كاسسالارىنىڭ مەكەن-جايى مەن جۇمىس كەستەسى: CTS ورتالىق كاسساسى, قوشقارباەۆ داڭعىلى, 50/1. جۇمىس كەستەسى:9: 00-دەن 18: 00-گە دەيىن, ءۇزىلىسسىز. دەمالىس – جەكسەنبى. «اقجايىق» تك, ماڭگىلىك ەل كوشەسى, 19/2 (الماتى كوشەسى, №10/2 بۋتيك جاعىنان كىرۋ). جۇمىس كەستەسى: 10: 00 دەن 20: 00 دەيىن, تۇسكى ءۇزىلىس: 14:00 – 15:00. دەمالىسسىز. «وركەن» بو, بەيبىتشىلىك كوشەسى, 25. جۇمىس كەستەسى: دۇيسەنبى مەن جۇما ارالىعى: 10:00-دەن 17: 00-گە دەيىن, ءۇزىلىسسىز. سەنبى كۇنى – 10:00-دەن 13: 00-گە دەيىن, ءۇزىلىسسىز. دەمالىس – جەكسەنبى. «ايتولقىن» ءسۇ, مۇسىرەپوۆ ك-ءسى, 4/1. جۇمىس كەستەسى: 10: 00-دەن 20: 00 -گە دەيىن, تۇسكى ءۇزىلىس – 14:00-دەن 15:00-گە دەيىن, دەمالىسسىز.