وڭىردەگى توتەنشە جاعدايلار دەپارتامەنتىنىڭ ء«ورت ءسوندىرۋ جانە اۆاريالىق-قۇتقارۋ جۇمىستارى قىزمەتى» جەدەل-قۇتقارۋ جاساعى باسشىسىنىڭ ورىنباسارى سەرىك شەريازدانوۆتىڭ ايتۋىنشا, كوبىنەسە كىشكەنتاي بالالار مەن قارت ادامدار پاتەردە قالىپ قويعان كەزدە جابىلىپ قالعان ەسىكتى اشۋعا شاقىرادى.
- جاسوسپىرىمدەر قۇلاققاپتاردان مۋزىكا تىڭداپ جاتىپ, ۇيىقتاپ قالادى. ءبىرىنشى كەزەكتە قۇتقارۋشىلار الپينيستىك جابدىقتاردىڭ كومەگىمەن جوعارعى قاباتتان نەمەسە ءۇيدىڭ شاتىرىنان پاتەردىڭ بالكونىنا تۇسەدى. ماتەريالدىق شىعىن كەلتىرمەۋ جانە بالكوننىڭ ەسىگىنىڭ بۇزباۋ ءۇشىن قۇتقارۋشىلار الدىمەن بالعامەن ەسىكتىڭ مەتالل قالقاندارىن ۇرىپ, ۇيىقتاپ جاتقانداردى وياتۋعا تىرىسادى. ەگەر, ىشتەگى ادام ويانىپ, ەسىكتى اشپاسا, قۇتقارۋشىلار ارنايى قۇرالداردىڭ كومەگىمەن بالكون ەسىگىن اشىپ, پاتەردىڭ ەسىگىن ىشىنەن اشادى,-دەيدى.
ال بالكون ارقىلى پاتەرگە كىرۋ مۇمكىن بولماعان جاعدايدا, قۇتقارۋشىلار ۋچاسكەلىك پوليتسيا قىزمەتكەرىمەن جانە قۇتقارۋشىلاردى شاقىرعان تۋىستارىمەن كەلىسە وتىرىپ, گيدراۆليكالىق اۆاريالىق - قۇتقارۋ قۇرالدارىنىڭ كومەگىمەن پاتەردىڭ ەسىگىن اشا الادى.
مىسالى, 7 مامىر كۇنى قۇتقارۋشىلار الپينيستىك جاراقتىڭ كومەگىمەن ن. نازارباەۆ داڭعىلىنداعى ءۇيدىڭ شاتىرىنان 5-ءشى قاباتتاعى پاتەردىڭ بالكونىنا ءتۇسىپ, ەسىكتى ىشتەن اشتى.
سىرتقى ەسىك جابىلىپ قالعان كەزدە, ىشتە 2 جاسار بالا قالىپ قويعان. قۇتقارۋشىلار ەسىكتى اشىپ, بالانى اتا-اناسىنا تاپسىردى.
سونىمەن بىرگە, 8 مامىر كۇنى قۇتقارۋشىلار نابەرەجنايا كوشەسىندەگى ۇيگە شاقىرۋعا كەلدى. پاتەر ىشىندە ءجاسوسپىرىم بالا ەسىكتى ىشتەن جاۋىپ ۇيىقتاپ قالعان.
قۇتقارۋشىلار كەلگەنگە دەيىن ۋچاسكەلىك پوليتسيا ينسپەكتورى مەن تۋىستارى ونى وياتىپ العان.
9 مامىر كۇنى قۇتقارۋشىلار ارنايى قۇرالداردىڭ كومەگىمەن 6 جاسار بالا ۇيىقتاپ جاتقان قامزين كوشەسىندەگى ۇيدە پاتەر ەسىگىن اشتى. سونداي-اق وتكەن دەمالىس كۇندەرى قۇتقارۋشىلار ءۇشىن وسىنداي شاقىرتۋلار از بولماعان ەكەن.
پاۆلودار