ەڭبەك جانە حالىقتى الەۋمەتتىك قورعاۋ مينيسترلىگى مۇگەدەكتەردى قولداۋ بويىنشا قوسىمشا شارالار قابىلدادى. قايتا قاراۋ مەرزىمى توتەنشە جاعدايدان (بۇدان ءارى - تج) ءبىر اي بۇرىن جانە ونىڭ بارىسىندا (16 اقپاننان 10 مامىرعا دەيىن) ورىن العان جانە قايتا تەكسەرۋدەن وتپەگەن مۇگەدەكتەر ءۇشىن مۇگەدەكتىك مەرزىمى اۆتوماتتى تۇردە بۇعان دەيىن بەلگىلەنگەن قايتا تەكسەرۋ كۇنىنەن باستاپ 3 ايعا ۇزارتىلادى. سونىمەن بىرگە قايتا تەكسەرۋ مەرزىمى اقپان ايىنا كەلگەن مۇگەدەكتەرگە اي تولىق ەسەپتەلەدى. بۇل تۋرالى مينيسترلىكتىڭ ءباسپاسوز قىزمەتى حابارلادى.
بۇل شارالار مۇگەدەكتەرگە الەۋمەتتىك قولداۋ كورسەتۋ, سونداي-اق توتەنشە جاعداي رەجيمى اياقتالعاننان كەيىن كارانتيندىك شارالاردى ساقتاۋ ماقساتىندا قابىلداندى. مۇگەدەكتىكتى اۆتوماتتى تۇردە ۇزارتۋ مەديتسينالىق-الەۋمەتتىك ساراپتاماعا قۇجاتتاردى راسىمدەۋ كەزىندە ءبىر جەردە توپتالۋىن بولدىرمايدى جانە ازاماتتاردىڭ اۋرۋ جۇقتىرۋ قاۋپىن ازايتادى.
مۇگەدەكتەردى وڭالتۋدىڭ جەكە باعدارلامالارىن جۇزەگە اسىرۋ مەرزىمى 3 ايعا ۇزارتىلدى. بۇرىن ۇسىنىلعان وڭالتۋ شارالارى, سونىڭ ىشىندە تەحنيكالىق وڭالتۋ قۇرالدارىمەن قامتاماسىز ەتۋ كۇشىندە قالادى.
مۇگەدەكتەردى الەۋمەتتىك قولداۋدىڭ بارلىق الەۋمەتتىك قولداۋ شارالارى مەن جەڭىلدىكتەرى 3 ايعا ۇزارتىلدى. جاردەماقى بۇرىن ايقىندالعان مۇگەدەكتىك توبىنا, ەڭبەككە جارامسىزدىق دارەجەسىنە سايكەس تولەنەدى.
ايتا كەتۋ كەرەك, دەنساۋلىعىنىڭ جاعدايى وزگەرگەن جاعدايدا, مۇمكىندىگى شەكتەۋلى جاندار قايتا تەكسەرۋدەن بۇعان دەيىن بەلگىلەنگەن مەرزىمنەن بۇرىن وتۋگە قۇقىلى.
ەستەرىڭىزگە سالا كەتەيىك, قايتا ساراپتاما تاعايىندالعان ۋاقىتىنان باستاپ ءبىر اي ىشىندە جاسالۋى كەرەك.
مىسالى, ەگەر قايتا تەكسەرۋ مەرزىمى اعىمداعى جىلدىڭ 20 ناۋرىزىندا كەلگەن بولسا, وندا مەرزىم اۆتوماتتى تۇردە 20 ماۋسىمعا دەيىن ۇزارتىلادى, ال 20 شىلدەگە دەيىن قايتا تەكسەرۋدەن ءوتۋى كەرەك.